കൊയിലാണ്ടി: കനത്ത മഴയിൽ കൊയിലാണ്ടിയിൽ നാശ നഷ്ടങ്ങൾ തുടരുന്നു. കീഴരിയൂർ വില്ലേജിൽ നടുവത്തൂർ മഠത്തിൽ താഴ സുധയുടെ വീടിന്റെ മേൽക്കൂരയാണ് തകർന്നു വീണത്. ഇന്നലെ രാത്രിയോടെയായിരുന്നു സംഭവം.

കനത്ത മഴയിൽ മേൽക്കൂരയുടെ ഉത്തരക്കോലും പട്ടികയും ഒടിഞ്ഞു. ഇതിനെ തുടർന്ന് ഓട് മേഞ്ഞ വീട് അപകട നിലയിലാണ്. ചുവരിന്റെ ഭാഗങ്ങളും ഇളകി അകന്ന അവസ്ഥയിലാണ്.

വീട്ടിലുണ്ടായിരുന്നവർ അത്ഭുതകരമായാണ് രക്ഷപെട്ടത്. അപകട സമയത്ത് സുധയും ഭർത്താവ് സതീശനും മകളും വീട്ടിലുണ്ടായിരുന്നങ്കിലും രാത്രിയിൽ ശബ്ദം കേട്ടതിനെ തുടർന്ന് പുറത്തേക്ക് ഓടി മാറുകയായിരുന്നു. അതിനാൽ പരുക്കുകളില്ലാതെ രക്ഷപ്പെട്ടു. സംഭവം സംബന്ധിച്ചു വില്ലേജ് ഓഫീസർക്ക് പരാതി നൽകിയിട്ടുണ്ട്.