കുരുന്നുകള്‍ക്ക് ആഘോഷമായി തിക്കോടിയിലെ അംഗനവാടികളുടെ പ്രവേശനോത്സവം
തിക്കോടി: തിക്കോടി ഗ്രാമപഞ്ചായത്തിലെ അങ്കണവാടികളുടെ പ്രവേശനോത്സവം സംഘടിപ്പിച്ചു. കിടഞ്ഞിക്കുന്ന് അങ്കണവാടിയില്‍ നടന്ന പരിപാടിയുടെ ഉദ്ഘാടനം പഞ്ചായത്ത് വൈസ് പ്രസിഡന്റ് രാമചന്ദ്രന്‍ കുയ്യണ്ടി നിര്‍വഹിച്ചു. ക്ഷേമകാര്യ സ്റ്റാന്റിംങ് കമ്മിറ്റി ചെയര്‍മാന്‍ ആര്‍.വിശ്വന്‍ അധ്യക്ഷത വഹിച്ചു.
ഐ.സി.ഡി.എസ് സൂപ്പര്‍വൈസര്‍ ടി.കെ റുഫീല, എ.എല്‍.എം.സി അംഗങ്ങളായ സത്യന്‍ മാസ്റ്റര്‍, കെ.വി കുഞ്ഞമ്മദ്, കബീര്‍ കുപ്പച്ചന്‍, കുഞ്ഞാമു ക്രസന്റ് എന്നിവര്‍ സംസാരിച്ചു. പഞ്ചായത്തംഗം യു.കെ സൗജത്ത് സ്വാഗതവും സുഷമ ടീച്ചര്‍ നന്ദിയും പറഞ്ഞു.