ശ്രദ്ധയ്ക്ക്‌; മഞ്ഞ, പിങ്ക് റേഷൻ കാർഡുകാര്‍ 31ന് മുമ്പ് ഇ- കെവൈസി പൂർത്തിയാക്കണം
കോഴിക്കോട്: റേഷന്‍ ഗുണഭോക്താക്കള്‍ മാര്‍ച്ച് 31ന് മുമ്പ് ഇ- കെവൈസി പൂര്‍ത്തിയാക്കണം.
മഞ്ഞ, പിങ്ക് റേഷന്‍ കാര്‍ഡുകളില്‍ (AAY, PHH) ഉള്‍പ്പെട്ട റേഷന്‍ ഗുണഭോക്താക്കളുടെ ഇ- കെവൈസി പൂര്‍ത്തീകരിക്കുന്നതിനായി കേന്ദ്രം അനുവദിച്ച സമയപരിധി മാര്‍ച്ച് 31ന് അവസാനിക്കും.
ഇ- കെവൈസി പൂര്‍ത്തിയാക്കാത്തവരുടെ റേഷന്‍ വിഹിതം നഷ്ടപ്പെടാന്‍ സാധ്യതയുള്ളതിനാല്‍ ഇനിയും പൂര്‍ത്തിയാക്കാനുള്ളവര്‍ റേഷന്‍കടകള്‍/ താലൂക്ക് സപ്ലൈ ഓഫീസുകള്‍ മുഖാന്തിരം നടപടിക്രമങ്ങള്‍ പൂര്‍ത്തീകരിക്കണമെന്ന് പൊതുവിതരണ ഉപഭോക്തൃകാര്യ കമ്മീഷണര്‍ അറിയിച്ചു.