പ്രവാസികള്‍ക്ക് റംസാന്‍ സ്‌നേഹ സമ്മാനമൊരുക്കി പേരാമ്പ്ര കെ.എം.സി.സി കൂട്ടായ്മ
പേരാമ്പ്ര: വിദേശ രാജ്യങ്ങളില്‍ ജോലി ചെയ്യുന്ന പേരാമ്പ്ര നിയോജകമണ്ഡലം പരിധിയില്‍ വരുന്ന പ്രവാസികക്ക് റംസാന്‍ സ്‌നേഹ സമ്മാനമൊരുക്കി കെ.എം.സി.സി കൂട്ടായ്മ. സമ്മാന വിതരണ ചടങ്ങ് മുസ്ലിം ലീഗ് ജില്ലാ സെക്രട്ടറി
സി.പി.എ അസീസ് ഉദ്ഘാടനം ചെയ്തു.
2012ല്‍ രൂപികൃതമായ കെ.എം.സി.സി. പേരാമ്പ്ര കൂട്ടായ്മ പ്രവാസി കുടുംബങ്ങളുടെ സാമൂഹ്യ സാംസ്‌കാരിക, വിദ്യഭാസ പുരോഗതി ലക്ഷ്യം വെച്ച് കൊണ്ട് റിലീഫ് പ്രവര്‍ത്തനങ്ങള്‍ മുഖ്യകര്‍മ്മ പദ്ധതിയായി നടപ്പിലാക്കി വരുന്നു. കോറോണ കാലത്ത് സൗജന്യ വിമാന ടിക്കറ്റ്, ആംബുലന്‍സ് സര്‍വ്വീസ്, ശിഹാബ് തങ്ങള്‍കാരുണ്യഭവനം, അനാഥ, അഗതി, വിധവ സംരക്ഷണ പദ്ധതികള്‍, ഓണം, പെരുന്നാള്‍, വിഷു, ക്രിസ്തുമസ്ത് ആഘോഷ സ്‌നേഹ സമ്മാനങ്ങള്‍, അനാഥര്‍ക്ക് സ്‌കൂള്‍കിറ്റ്, നാട്ടില്‍ തിരിച്ചെത്തുന്ന പ്രവാസികള്‍ക്ക് സ്ഥിര വരുമാനത്തിനായുള്ള പ്രൊജക്ട് എന്നിവ പ്രവര്‍ത്തന പദ്ധതിയില്‍ ഉള്ള സംഘടനയാണ് കെ.എം.സി.സി കൂട്ടായ്മ.
മൊയ്തീന്‍ പേരാമ്പ്ര സ്വാഗതവും ആവള ഹമീദ് അധ്യക്ഷതയും വഹിച്ചു. കിറ്റ് വിതരണ ഉദ്ഘാടനം നിയോജ മണ്ഡലം മുസ്ലിം ലീഗ് ട്രഷറര്‍ എം.കെ.സി കുട്ട്യാലിയും, ടി.ടി സാബിറ ചികിത്സാ ഫണ്ട് കൈമാറ്റം പി. വി. അഷ്‌റഫും നിര്‍വ്വഹിച്ചു. ഇ. ഷാഹി, കെ.പി റസാഖ്, റഷീദ് വാല്യക്കോട്, റഷീദ് കല്ലൂര്‍, ടി.സി മുഹമ്മത്, കെ. കുഞ്ഞലവി, റാഫി കക്കാട്,ആര്‍.കെ മുഹമ്മത്,
സി.പി ഹമീദ്, വല്ലാറ്റ യുസ്ഫ്, വീര്‍ക്കണ്ടിമൊയ്തു, മമ്മു ചേറമ്പറ്റ, പ്രവാസി മുഹമ്മദ് എന്നിവര്‍ പ്രസംഗിച്ചു.
കോരമ്പത്ത് ബഷീര്‍ നന്ദിയും പറഞ്ഞു.