വെള്ളമൊഴുകിപ്പോകും ഒപ്പം യാത്രയും സുഗമമാകും; തെങ്ങിൽതാഴെ – കാപ്പാട് ചെറിയപള്ളി ഡ്രൈനേജ് കം ഫുട്പാത്ത് ഉദ്ഘാടനം ചെയ്തു
ചേമഞ്ചേരി: തെങ്ങിൽതാഴെ – കാപ്പാട് ചെറിയപള്ളി ഡ്രൈനേജ് കം ഫുട്പാത്ത് പന്തലായനി ബ്ലോക്ക് പ്രസിഡന്റ്‌ പി ബാബു രാജ് ഉദ്ഘാടനം ചെയ്തു. ബ്ലോക്ക് പഞ്ചായത്തിന്റെ 2024-25 വാർഷിക പദ്ധതിയിൽ ഉൾപ്പെടുത്തിയാണ് കാപ്പാട് ഡിവിഷനിൽ വാർഡ് 18ൽ ഡ്രൈനേജ് കം ഫുട്പാത്തിന്റെ നിർമാണം പൂർത്തിയാക്കിയത്.
ചടങ്ങിൽ ബ്ലോക്ക് മെമ്പർ എംപി. മൊയ്‌തീൻ കോയ അധ്യക്ഷത വഹിച്ചു. വാർഡ് മെമ്പർ വി. ഷരീഫ് മാസ്റ്റർ സ്വാഗതം പറഞ്ഞു. സാദിക് അവിർ, അബ്ബാസിന്റകത്ത് മമ്മദ്, പോയിൽ സാദിക്, പി കെ. സാലിഹ്, വി കെ അൻസാർ, വാർഡ് കൺവീനർ അബൂബക്കർ കാച്ചിലോടി, വാർഡ് സി ഡി എ സ് മെമ്പർ അഫ്സ മനാഫ് എന്നിവർ സംസാരിച്ചു.