പെരുവട്ടൂരിലും സമീപ പ്രദേശങ്ങളിലും തെരുവുനായ ആക്രമണം; എട്ടുപേര്‍ക്ക് കടിയേറ്റു
കൊയിലാണ്ടി: പെരുവട്ടൂരിലും പരിസര പ്രദേശങ്ങളിലും തെരുവുനായ ആക്രമണം. വെള്ളിയാഴ്ച വൈകുന്നേരമാണ് നായയുടെ ആക്രമണമുണ്ടായത്.
മുത്താമ്പി സ്വദേശി ഉമ്മറിനാണ് ആദ്യം കടിയേറ്റത്. പെരുവട്ടൂര്‍ സ്വദേശികളായ നിഷാദ്, പ്രശോഭ്, രാജന്‍, ശ്യാമള പന്തലായനി സ്വദേശികളായ ബാലകൃഷ്ണന്‍, സായൂജ്, വിയ്യൂര്‍ സ്വദേശി ശ്രീവത്സവ് എന്നിവര്‍ക്കാണ് കടിയേറ്റത്. കടിയേറ്റവര്‍ കൊയിലാണ്ടി താലൂക്ക് ആശുപത്രിയില്‍ ചികിത്സതേടി.
വെള്ളയും കറുപ്പും ഇടകലര്‍ന്ന നിറമുള്ള നായയാണ് കടിച്ചത്. നായയെ കണ്ടുകിട്ടിയിട്ടില്ല.