കൊരയങ്ങാട് തെരു ഭഗവതി ക്ഷേത്ര താലപ്പൊലി മഹോത്സവം; താളവാദ്യങ്ങളോടെ വര്‍ണ്ണപ്പകിട്ടേകി ആഘോഷവരവ്
കൊയിലാണ്ടി: കൊരയങ്ങാട് തെരു ഭഗവതി ക്ഷേത്ര താലപ്പൊലി മഹോല്‍സവത്തിന്റെ ഭാഗമായി ആഘോഷവരവ് നടന്നു. പ്രദേശവാസികളുടെ കൂട്ടായ്മയില്‍ വര്‍ണ്ണപ്പകിട്ടിന്‍േറയും താളവാദ്യ വൈവിധ്യത്തിന്റേയും അകമ്പടിയോടെയാണ് ആഘോഷവരവ് സംഘടിപ്പിച്ചത്.
കോതമംഗലം അയ്യപ്പക്ഷേത്രത്തില്‍ നിന്നും ആരംഭിച്ച ആഘോഷവരവ് നഗരത്തിലൂടെ നീങ്ങി വിവിധ കേന്ദ്രങ്ങളില്‍ ഭക്തജനങ്ങളുടെ സ്വീകരണം ഏറ്റുവാങ്ങി പയറ്റുവളപ്പില്‍ വഴി ക്ഷേത്രാങ്കണത്തില്‍ സംഗമിച്ചു. മണമല്‍, കോതമംഗലം, കോമത്ത് കര, പയറ്റുവളപ്പില്‍ പ്രദേശവാസികളാണ് ആഘോഷ വരവില്‍ പങ്കാളികളായത്. മുത്തുകുടകളും ശിങ്കാരിമേളവും ദേവ നൃത്തവും കൊരയങ്ങാട് ക്ഷേത്രവാദ്യ സംഘത്തിന്റെ മേളപ്പര്‍ച്ചയും ഉണ്ടായിരുന്നു.