വിവിധ മേഖലകളില്‍ വിജയം കൈവരിച്ച വിദ്യാര്‍ഥികള്‍ക്ക് അനുമോദനം; പൂക്കാട് റസിഡന്‍സ് അസോസിയേഷന്‍ വാര്‍ഷികാഘോഷം സര്‍ഗ്ഗവനിയില്‍
ചേമഞ്ചേരി: പൂക്കാട് റസിഡന്‍സ് അസോസിയേഷന്‍ വാര്‍ഷികാഘോഷം പൂക്കാട് കലാലയം സര്‍ഗ്ഗവനിയില്‍ നടന്നു. പരിപാടി പഞ്ചായത്ത് പ്രസിഡന്റ് സതി കിഴക്കയില്‍ ഉദ്ഘാടനം ചെയ്തു. വാര്‍ഡ് മെമ്പര്‍ സുധ തടവന്‍ കൈയില്‍ ആശംസ അര്‍പ്പിച്ചു സംസാരിച്ചു.
വിവിധ മേഖലകളില്‍ വിജയം നേടിയ വിദ്യാര്‍ത്ഥികളെ പ്രസിഡന്റും മെമ്പറും കൂടി അനുമോദിച്ചു. റസിഡന്‍സ് സെക്രട്ടറി സതീദേവി സ്വാഗതം പറഞ്ഞ ചടങ്ങില്‍ പ്രസിഡന്റ് പ്രേതുഷ്‌കുമാര്‍ അധ്യക്ഷം വഹിച്ചു. സെക്രട്ടറി പ്രവര്‍ത്തന റിപ്പോര്‍ട്ടും ട്രഷറര്‍ ഷാജി വരവ് ചെലവ് കണക്കും അവതരിപ്പിച്ചു.
വൈസ് പ്രസിഡന്റ് ബാബു നന്ദി പ്രകാശിപ്പിച്ചു. തുടര്‍ന്ന് കലാപരിപാടികള്‍ അരങ്ങേറി.