വടകര: വടകരയിൽ ബൈക്കപകടത്തിൽ പരിക്കേറ്റു ചികിത്സയിലായിരുന്ന യുവാവ് മരിച്ചു. കുരിക്കിലാട് സൗത്ത് കേളോത്ത് വിഷ്ണുവാണ് മരിച്ചത്.

വ്യാഴാഴ്ച പുലർച്ചെയാണ് അപകടം നടന്നത്. സുഹൃത്തിനോടൊപ്പം പോകുമ്പോൾ വടകര ടൗണിൽ ഒന്തം ഓവർബ്രിഡ്ജിനു സമീപത്ത് വച്ച് ബൈക്ക് പോസ്റ്റിലിടിക്കുകയായിരുന്നു. സാരമായി പരിക്കേറ്റ വിഷ്ണുവിനെ ഉടനെ തന്നെ ആശുപത്രിയിലെത്തിക്കുകയായിരുന്നു. ചികിത്സയിലിരിക്കെയാണ് മരണം.

ഊരാളുങ്കൽ സൊസൈറ്റിയിലെ ജോലിക്കാരനായ പ്രശാന്തിന്റെയും ആശാവർക്കർ ശ്രീജയുടെയും മകനാണ് വിഷ്ണു. ജിഷ്ണുവാണ് സഹോദരൻ. യുവാവിനോടൊപ്പമുണ്ടായിരുന്ന സുഹൃത്ത് ഡോൺ കോഴിക്കോട് മെഡിക്കൽ കോളജ് ആശുപത്രിയിൽ ചികിത്സയിലാണ്.