മേപ്പയൂർ: നരക്കോട് എ.എൽ.പി സ്‌കൂളില്‍ വിവിധ മേളകളിൽ വിജയികളായ വിദ്യാർത്ഥികൾക്കുള്ള അനുമോദനവും മാതൃസംഗമവും സംഘടിപ്പിച്ചു. ഇന്ന് ഉച്ചയ്ക്ക് രണ്ട് മണിക്ക് സ്‌കൂള്‍ ഹാളില്‍ സംഘടിപ്പിച്ച പരിപാടി മേപ്പയൂർ ഗ്രാമപഞ്ചായത്ത് വൈസ്‌ പ്രസിഡണ്ട് എൻ.പി ശോഭ ഉദ്ഘാടനം ചെയ്തു.

പരിപാടിക്കൊപ്പം സ്‌കൂളിലെ കപ്പ കൃഷി വിളവെടുക്കുകയും ചെയ്തു. എം.പി.ടി.എ പ്രസിഡണ്ട് നിരുപമ അധ്യക്ഷത വഹിച്ചു. വിവിധ മേളകളിൽ വിജയികളായ വിദ്യാർത്ഥികൾക്കുള്ള അനുമോദനവും സംയുക്ത ഡയറി പ്രകാശനവും മേലടി ഉപജില്ല വിദ്യാഭ്യാസ ഓഫീസർ പി.ഹസീസ് നിർവഹിച്ചു.

ഗോപകിഷോർ കെ.ടി, ശ്രീജയ ഇ, സുധീഷ് കുമാർ കെ.കെ, ഷാംലിബാബു യു.വി, റോസ്ന സി എന്നിവർ സംസാരിച്ചു. അമ്മ അറിയാൻ എന്ന വിഷയത്തെ അടിസ്ഥാനമാക്കി സൈബർ പോലീസ് ഓഫീസർ രംഗീഷ് കടവത്ത് മുഖ്യപ്രഭാഷണം നടത്തി. ഷാജു കെ.ജെ സ്വാഗതവും രമ്യ നന്ദിയും പറഞ്ഞു.

Description: Mother's meeting and felicitation for students at Narakode ALP School