യൂണിവേഴ്സിറ്റി പരീക്ഷയില്‍ ഉന്നത വിജയം നേടിയ വിദ്യാര്‍ത്ഥികള്‍ക്ക് അനുമോദനവുമായി കൊയിലാണ്ടി എസ്.എൻ.ഡി.പി കോളേജിൽ മെറിറ്റ് ഡേ
കൊയിലാണ്ടി: ആര്‍ ശങ്കര്‍ മെമ്മോറിയല്‍ എസ്എന്‍ഡിപി യോഗം കോളേജില്‍ മെറിറ്റ് ഡേ സംഘടിപ്പിച്ചു. 2023-24 അദ്ധ്യയന വർഷത്തെ യൂണിവേഴ്സിറ്റി പരീക്ഷയിൽ ഉന്നത വിജയം കരസ്ഥമാക്കിയ വിദ്യാർത്ഥികളെ കൊയിലാണ്ടി എം.എൽ.എ കാനത്തിൽ ജമീല ആദരിച്ചു.
ഇന്ന് രാവിലെ 9.30ന് സില്‍വര്‍ ജൂബിലി സെമിനാര്‍ ഹാളില്‍ സംഘടിപ്പിച്ച ചടങ്ങില്‍ ക്യാഷ് അവാർഡും വിവിധ എൻഡോമെന്റും വിതരണം ചെയ്തു. പ്രിൻസിപ്പൽ ഡോ.സുജേഷ് സി.പി അധ്യക്ഷത വഹിച്ചു.
ചടങ്ങിൽ ദാസൻ പറമ്പത്ത്, ബാബു പി, ഡോ. ഭവ്യ.ബി, ഡോ.ഷാജി മാരാംവീട്ടിൽ, ചാന്ദ്നി.പി.എം, ജോഷ്‌ന.എം,കോളജ് ചെയർപേഴ്സൺ അനുവർണ എന്നിവർ സംസാരിച്ചു.
Description: Merit Day at koyilandy SNDP College