ജില്ലാതല പ്രശ്‌നോത്തരി മത്സരം; വിജയികള്‍ക്ക് സമ്മാനങ്ങളുമായി ചേമഞ്ചേരി ദേശസേവാസംഘം
ചേമഞ്ചേരി: ജില്ലാതല പ്രശ്‌നോത്തരി മത്സരം സംഘടിപ്പിച്ച് ചേമഞ്ചേരി ദേശസേവാസംഘം. മത്സരത്തില്‍ ഒന്നാം സ്ഥാനം കരസ്ഥമാക്കിയവര്‍ക്കായി വി.ടി വികാസ് സ്മാരക ട്രോഫി ഗ്രാമപഞ്ചായത്ത് പ്രസിഡണ്ട് സതി കിഴക്കയില്‍ വിതരണം ചെയ്തു.
ഹൈ സ്‌കൂള്‍ വിഭാഗത്തില്‍ നന്മണ്ട സരസ്വതി വിദ്യാമന്ദിര്‍ ഇഗ്ളീഷ് മീഡിയം സ്‌കൂളിലെ ഒമ്പതാം ക്ലാസ് വിദ്യാര്‍ഥി പാര്‍വണ പ്രശാന്ത് ഒന്നാം സ്ഥാനവും തിക്കോടിയന്‍ സ്മാരക ഗവ: ഹയര്‍ സെക്കണ്ടറി സ്‌കൂള്‍ ഒമ്പതാം ക്ലാസ് വിദ്യാര്‍ഥി വേദിക സി കെ രണ്ടാം സ്ഥാനവും പന്തലായനി ഗവ: ഹയര്‍ സെക്കണ്ടറി സ്‌കൂള്‍ ഒമ്പതാം ക്ലാസ് വിദ്യാര്‍ഥി അമിയ ദുര്‍ഗ എസ് മൂന്നാം സ്ഥാനവും നേടി.
വിജയികള്‍ക്കുള്ള ക്യാഷ് അവാര്‍ഡും ഒന്നാം സ്ഥാനം നേടിയ സ്‌കൂളിനുള്ള ഇ. ഷിബുകുമാര്‍ സ്മാരക ട്രോഫിയും ചേമഞ്ചേരി ഗ്രാമപഞ്ചായത്ത് അംഗം രാജേഷ് കുന്നുമ്മല്‍ വിതരണം ചെയ്തു. യു.പി സ്‌കൂള്‍ വിഭാഗത്തില്‍ കുറുവങ്ങാട് സൗത്ത് യു.പി സ്‌കൂള്‍ ഏഴാം ക്ലാസ് വിദ്യാര്‍ഥി രാഗനന്ദന എ.ആര്‍ ഒന്നാം സ്ഥാനവും ചെങ്ങോട്ട്കാവ് ഈസ്റ്റ് യു.പി സ്‌കൂള്‍ ഏഴാം ക്ലാസ് വിദ്യാര്‍ഥി പ്രണവ് എന്‍ രണ്ടാം സ്ഥാനവും കൊയിലാണ്ടി ഗവ:വൊക്കേഷണല്‍ ഹയര്‍സെക്കന്‍ഡറി സ്‌കൂള്‍ ആറാം ക്ലാസ് വിദ്യാര്‍ഥി നവതേജ് ബാലു മൂന്നാം സ്ഥാനവും നേടി.
വിജയികള്‍ക്കുള്ള ക്യാഷ് അവാര്‍ഡും ഒന്നാം സ്ഥാനം നേടിയ സ്‌കൂളിനുള്ള വി ടി വികാസ് സ്മാരക ട്രോഫിയും ചേമഞ്ചേരി ഗ്രാമപഞ്ചായത്ത് പ്രസിഡണ്ട് സതി കിഴക്കയില്‍ വിതരണം ചെയ്തു. ഗ്രാമപഞ്ചായത്ത് പ്രസിഡണ്ട് സതി കിഴക്കയില്‍, പഞ്ചായത്ത് മെമ്പര്‍ രാജേഷ് കുന്നുമ്മല്‍, സജിത്ത് കുമാര്‍ പി, വി.ടി വിനോദ്, പി. മുരളീധരന്‍, ഉഷാകുമാരി കെ.ടി, ക്വിസ് മാസ്റ്റര്‍മാരായ സി. സായികിഷോര്‍, ശ്രീജിത്ത് കെ. എന്നിവര്‍ സംസാരിച്ചു.