അരിക്കുളം: അരിക്കുളം പഞ്ചായത്ത് കേരളോത്സവത്തിന്റെ ഭാഗമായി നടത്തിയ ഫുട്‌ബോള്‍ മേളയില്‍ ജേതാക്കളായി ഗ്രാന്‍മ ഏക്കാട്ടൂര്‍. 12 ടീമുകള്‍ മാറ്റുരച്ച മത്സരത്തില്‍ ഏകപക്ഷീയമായ രണ്ട് ഗോളുകള്‍ക്ക് ദര്‍ശനകാരയാടിനെ പരാജയപ്പെടുത്തിയാണ് ഗ്രാന്‍മ ഏക്കാട്ടൂര്‍ വിജയികളായത്.

ടൂര്‍ണ്ണമെന്റിലെ മികച്ച കളിക്കാരനായി ഗ്രാന്‍മ യുടെ അനജ് കൃഷ്ണയെ തെരഞ്ഞെടുത്തു. കെ.പി.എം.എസ്.എം ഹൈസ്‌കൂള്‍ ഗ്രൗണ്ടില്‍ നടന്ന മത്സരത്തില്‍ വിജയികള്‍ക്ക് അരിക്കുളം ഗ്രാമപഞ്ചായത്ത് പ്രസിഡണ്ട് എ.എം സുഗതന്‍മാസ്റ്റര്‍, വാര്‍ഡ് മെമ്പര്‍ എന്‍.വി. നജീഷ് കുമാര്‍ എന്നിവര്‍ ട്രോഫികള്‍ സമ്മാനിച്ചു.

Summary: granma-ekatur-won-the-football-fair-held-as-part-of-the-arikulam-panchayat-keraloltsavam.