‘ഒരു കേഡറ്റ്, ഒരു മരം’; എന്‍.സി.സി. ദിനാചരണത്തിന്റെ ഭാഗമായി സ്‌കൂള്‍ പരിസരം വൃത്തിയാക്കലും കലാപരിപാടികളും നടത്തി നടുവണ്ണൂര്‍ ജി.എച്ച്.എസ്.എസിലെ എന്‍.സി.സി കേഡറ്റുകള്‍
നടുവണ്ണൂര്‍: എന്‍.സി.സി ദിനാചരണത്തോടനുബന്ധിച്ച് നടുവണ്ണൂര്‍ ജി.എച്ച്.എസ്.എസിലെ എന്‍.സി.സി കേഡറ്റുകള്‍ വിവിധ പരിപാടികള്‍ സംഘടിപ്പിച്ചു. എന്‍.സി.സി ദിന ആഘോഷത്തിന്റെ ഭാഗമായി ‘ ഒരു കേഡറ്റ്, ഒരു മരം’ ക്യാംപയിന്‍ സംഘടിപ്പിച്ചു. സ്‌കൂളും പരിസരവും വൃത്തിയാക്കുകയും വിവിധ കലാപരിപാടികള്‍ സംഘടിപ്പിക്കുകയും ചെയ്തു.
ഹെഡ്മാസ്റ്റര്‍ എന്‍.എം മൂസക്കോയ, ഡെപ്യൂട്ടി ഹെഡ്മാസ്റ്റര്‍ സുഭാഷ് ബാബു, അധ്യാപകരായ പി. മുസ്തഫ, വി.കെ. നൗഷാദ്, സി.പി. സുജാല്‍, ടി.പി. അനീഷ്, എം. മാലിനി, എന്‍.സി.സി. ഓഫീസര്‍ പി.കെ. രമ്യ എന്നിവര്‍ ചടങ്ങില്‍ സംസാരിച്ചു.