ചിത്രകലാക്യാമ്പും കലാപരിപാടികളുമടക്കം വൈവിധ്യമാര്‍ന്ന നിരവധി പരിപാടികള്‍; നൂറിന്റെ നിറവില്‍ ചേമഞ്ചേരി കൊളക്കാട് യു.പി സ്‌കൂള്‍
ചേമഞ്ചേരി: കൊളക്കാട് യു.പി സ്‌കൂളിന്റെ ശതവാർഷികാഘോഷത്തിന്റെ ലോഗോ പ്രകാശനം ചെയ്തു. സ്‌കൂളില്‍ ഇന്ന് നടന്ന യോഗത്തില്‍ ചേമഞ്ചേരി ഗ്രാമപഞ്ചായത്ത് പ്രസിഡന്റ്‌ സതി കിഴക്കയിൽ ജനറൽ കൺവീനർ ശ്രീനാഥ്‌ കെ.എൻ.കെയ്ക്ക് ലോഗോ കൈമാറി.
സ്വാഗതസംഘം ചെയർമാൻ യു.കെ രാഘവൻ മാസ്റ്റര്‍ അധ്യക്ഷത വഹിച്ചു. പ്രധാനാധ്യാപിക ശ്യാമള.പി സ്വാഗതം പറഞ്ഞു. വാർഡ് മെമ്പർ ലതിക ടീച്ചർ, പിടിഎ പ്രസിഡന്റ്‌ ഷറഫുദ്ധീൻ എന്നിവർ ആശംസകൾ അർപ്പിച്ചു സംസാരിച്ചു.
മാതൃസമിതി ചെയർപേഴ്സൺ രേഷ്മ നന്ദി പറഞ്ഞു. വിവിധ കമ്മിറ്റികളുടെ ചെയർമാൻമാരായ ശശി ചെറൂര്, സത്യൻ കോട്ടുപൊയിൽ, തയ്യിൽ ഉണ്ണി നായർ, ശശി ഒറവങ്കര, വാസു ടി.പി, രാധ തയ്യിൽ, പൂർവധ്യാപകരായരാജൻ മാസ്റ്റർ, ശൈലജ.വി. നിർമല.എം എന്നിവര്‍ക്കൊപ്പം നിരവധി രക്ഷിതാക്കളും ചടങ്ങിൽ പങ്കെടുത്തു. വാർഷികാഘോഷത്തിന്റെ ഭാഗമായി ചിത്രകലാക്യാമ്പ്, ദ്വിദിന സഹവാസ ക്യാമ്പ്, പൂർവധ്യാപക വിദ്യാർത്ഥി സംഗമം, മെഡിക്കൽ ക്യാമ്പ്, വിദ്യാർത്ഥികളുടെ കലാപരിപാടികൾ തുടങ്ങിയവയും സംഘടിപ്പിക്കുന്നുണ്ട്‌.
Description: Chemanchery Kolakkad UP School has reached 100