സൊറ പറച്ചിലുകളും കലാപരിപാടികളുമായി അവര്‍ വീണ്ടും ഒന്നിച്ചു; കുടുംബ മേളയുമായി ഒത്തുകൂടി കേരള സ്റ്റേറ്റ് സര്‍വീസ് പെന്‍ഷനേഴ്‌സ് പന്തലായനി നോര്‍ത്ത് യൂണിയന്‍
കൊയിലാണ്ടി: കുടുംബമേള സംഘടിപ്പിച്ച് കേരള സ്റ്റേറ്റ് സര്‍വീസ് പെന്‍ഷനേഴ്‌സ് യൂണിയന്‍ പന്തലായനി നോര്‍ത്ത് യൂണിയന്‍. കൊയിലാണ്ടി കെ.എസ്.ടി.എ ഹാളില്‍ നടന്ന മേള നാടക പ്രവര്‍ത്തകനും പ്രഭാഷകനുമായ ഇ. ശശീന്ദ്രദാസ് ഉദ്ഘാടനം ചെയ്തു. കെ.എസ്.എസ്.പി.യു സംസ്ഥാന കമ്മിറ്റി അംഗം സി. അപ്പുക്കുട്ടി മുഖ്യപ്രഭാഷക നായിരുന്നു.
സി. രാമകൃഷ്ണന്‍ അധ്യക്ഷത വഹിച്ചു. പി. സുധാകരന്‍, കെ. സുകുമാരന്‍, എം.എം. ചന്ദ്രന്‍, ടി.എം. സുധാകരന്‍, എന്‍.കെ. വിജയഭാരതി എന്നിവര്‍ സംസാരിച്ചു. തുടര്‍ന്ന് കുടുംബാംഗങ്ങളുടെ കലാപരിപാടികള്‍ അരങ്ങേറി.