തിക്കോടി: തിക്കോടി പാലൂരില്‍ ടിപ്പര്‍ ലോറിയ്ക്ക് പിറകില്‍ സ്വകാര്യ ബസ്സ് ഇടിച്ച് അപകടം. ഇന്ന് വൈകീട്ട് 5.30 തോടെയാണ് അപകടം നടന്നത്. ഇടിയുടെ ആഘാതത്തില്‍ നാല് പേര്‍ക്ക് പരിക്കേറ്റു.

ആരുടെയും പരിക്ക് ഗുരുതരമല്ല. കോഴിക്കോട് ഭാഗത്തുനിന്ന് കണ്ണൂരിലേയ്ക്ക് പോവുകയായിരുന്ന സ്വകാര്യ ബസാണ് ടിപ്പര്‍ ലോറിയ്ക്ക് പിറകില്‍ ഇടിച്ചത്. പരിക്കേറ്റവരെ അടുത്തുള്ള ആശുപത്രിയില്‍ പ്രവേശിപ്പിച്ചു. അപകടത്തില്‍ ബസ്സിന്റെ മുന്‍ഭാഗത്തെ ചില്ല് പൂര്‍ണമായും തകര്‍ന്നിട്ടുണ്ട്.