ചേലിയയില്‍ രാത്രിയുടെ മറവില്‍ ചാക്ക് കണക്കിന് മാലിന്യം തള്ളി; പ്രദേശത്ത് നിന്നും ലഭിച്ചത് 32 ഓളം മാലിന്യങ്ങള്‍ നിറച്ച ചാക്കുകള്‍
ചെങ്ങോട്ട്കാവ്: ചേലിയയില്‍ ചാക്ക് കണക്കിന് മാലിന്യം തള്ളിയ നിലയില്‍. ചെങ്ങോട്ട്കാവ് പഞ്ചായത്ത് ഏഴാം വാര്‍ഡ് ചേലിയ ടൗണിന് സമീപം കക്കാട്ട് താഴെ കനാല്‍ ഭാഗത്താണ് 32 ഓളം ചാക്കുകളില്‍ മാലിന്യം നിറച്ച് തള്ളിയിരിക്കുന്നത്. ഇന്ന് രാവിലെയാണ് പ്രദേശവാസികളുടെ ശ്രദ്ധയില്‍പ്പെട്ടത്.
ഇന്നലെ രാത്രി 11 മണിയോടെയാണ് മാലിന്യം തള്ളിയിരിക്കുന്നത്. പ്ലാസ്റ്റിക് കുപ്പികള്‍, മറ്റ് വേസ്റ്റുകള്‍ അടങ്ങിയതാണ് ചാക്കിലുള്ളത്. പ്രദേശത്ത് ആള്‍താമസം കുറവായതിനാല്‍ ആളുകളുടെ ശ്രദ്ധയില്‍പ്പെട്ടിരുന്നില്ല. തുടര്‍ന്ന് ഇന്ന് രാവിലെയാണ് നാട്ടുകാരുടെ ശ്രദ്ധയില്‍പ്പെടുന്നത്. വാര്‍ഡ് മെമ്പര്‍, പഞ്ചായത്ത് പ്രസിഡണ്ട് തുടങ്ങിയവര്‍ക്ക് പ്രദേശവാസികള്‍ പരാതി നല്‍കിയിട്ടുണ്ട്.
