കൊയിലാണ്ടി: മുന്‍മന്ത്രിയും കോണ്‍ഗ്രസ് നേതാവുമായ എം.ടി.പത്മ അന്തരിച്ചു. എണ്‍പത്തിയൊന്ന് വയസായിരുന്നു. വാര്‍ധക്യ സഹജമായ അസുഖത്തെ തുടര്‍ന്ന് മുംബൈയിലായിരുന്നു അന്ത്യം.

കേരളത്തിലെ മുന്‍ ഫിഷറീസ്, ഗ്രാമവികസന വകുപ്പ് മന്ത്രിയായിരുന്നു. 1987, 91 വർഷങ്ങളില്‍ എട്ടും ഒമ്പതും നിയമസഭകളില്‍ കൊയിലാണ്ടിയില്‍ നിന്നുള്ള അംഗമായിരുന്നു. 2004ല്‍ വടകര ലോക്‌സഭാ മണ്ഡലത്തില്‍ നിന്ന് മത്സരിച്ചെങ്കിലും പരാജയപ്പെട്ടു.

ഏറെനാളായി മകള്‍ക്കൊപ്പം മുംബൈയിലായിരുന്നു പത്മ താമസിച്ചിരുന്നത്. മൃതദേഹം ബുധനാഴ്ച കോഴിക്കോട്ടെത്തിക്കും.