തിരുവങ്ങൂരില്‍ കാറിടിച്ച് ബൈക്ക് യാത്രികനായ 28കാരന്‍ മരിച്ചു
കൊയിലാണ്ടി: ദേശീയ പാതയില്‍ തിരുവങ്ങൂര്‍ നരസിംഹ പാര്‍ത്ഥസാരഥി ക്ഷേത്രത്തിന്ന് സമീപം കാറിടിച്ച് ബൈക്ക് യാത്രക്കാരനായ യുവാവ് മരിച്ചു. മുക്കം മണാശ്ശേരി മഠത്തില്‍ തൊടിക അനിരുദ്ധ് (28) ആണ് മരിച്ചത്. അപകടത്തില്‍ ഗുരുതരമായി പരിക്കുപറ്റിയ അനിരുദ്ധിനെ പോലീസ് കോഴിക്കോട് മെഡിക്കല്‍ കോളേജില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല.
ബുധനാഴ്ച പുലര്‍ച്ചെയാണ് അപകടം നടന്നത്. വടകര അഹല്യ ഐ ഹോസ്പിറ്റലില്‍ അഡ്മിനിസ്ട്രേറ്റീവ് ഓഫീസറായി ജോലിയില്‍ പ്രവേശിച്ചു മടങ്ങുമ്പോഴായിരുന്നു അപകടം. അപകടമുണ്ടാക്കിയ കാര്‍ നിര്‍ത്താതെ പോയെങ്കിലും പൊലീസ് പിന്തുടര്‍ന്ന് പിടിച്ചു.
അച്ഛന്‍: അശോകന്‍(തൃപ്തി ഹോട്ടല്‍, മെഡിക്കല്‍ കോളേജ്). അമ്മ: ഷീബ.സഹോദരന്‍: ആഷിത്ത്.
