വിഷുവിനെ വരവേല്‍ക്കാന്‍ വിപണന മേളയൊരുക്കി മൂടാടി പഞ്ചായത്ത്
കൊയിലാണ്ടി: മൂടാടി ഗ്രാമ പഞ്ചായത്തിന്റെയും സിഡിഎസിന്റെയും നേതൃത്വത്തില്‍ വിഷു വിപണന മേള ആരംഭിച്ചു. ഏപ്രില്‍ 12,13,14 തിയ്യതികളില്‍ നന്തി ടൗണിലാണ് മേള നടക്കുന്നത്. വിപണന മേളയുടെ ഉദ്ഘാടനം പഞ്ചായത്ത് പ്രസിഡന്റ് സി കെ ശ്രീകുമാര്‍ നിര്‍വഹിച്ചു.
ഷീജ പട്ടേരി അദ്ധ്യക്ഷത വഹിച്ചു. ക്ഷേമകാര്യ സ്റ്റാന്റിഗ് കമ്മറ്റി ചെയര്‍പേഴ്‌സണ്‍ അഖില എംപി, വികസന കാര്യ സ്റ്റാന്റിഗ് കമ്മറ്റി ചെയര്‍മാന്‍ എം കെ മോഹനന്‍, ആരോഗ്യ സ്റ്റാന്റിഗ് കമ്മറ്റി ചേയര്‍മാന്‍ ടി കെ ഭാസ്‌കരന്‍, വാര്‍ഡ് മെമ്പര്‍മാരായ റഫീഖ് പുത്തലത്ത്, പപ്പന്‍ മൂടാടി, മെമ്പര്‍ സെക്രട്ടറി ഗീരീഷ് കുമാര്‍ എന്നിവര്‍ സംസാരിച്ചു.. സിഡിഎസ് ചെയര്‍ പേഴ്‌സണ്‍ ശ്രീലത പി എം സ്വാഗതവും വൈസ് ചെയര്‍ പേഴ്‌സന്‍ വി കെ കമല നന്ദിയും പറഞ്ഞു.
