പയ്യോളി: വികസനതേരിൽ പയ്യോളി ഗവ.വൊക്കേഷണൽ ഹയർ സെക്കണ്ടറി സ്കൂൾ. ഹൈസ്കൂൾ വിഭാഗത്തിന്റെ പുതിയ കെട്ടിടത്തിനായി ഒരു കോടി രൂപ അനുമതി ലഭിച്ചതായി കനത്തിൽ ജമീല എം.എൽ.എ അറിയിച്ചു. സ്കൂളിന് തെക്കു ഭാഗത്തായുള്ള പഴയെ കെട്ടിടം പൊളിച്ചാണ് പുതിയ കെട്ടിടം പണിയുക.

കഴിഞ്ഞ രണ്ട് മാസത്തിനിടയിൽ 4 കോടി രൂപയാണ് പയ്യോളി ഗവ ഹയർ സെക്കണ്ടറി സ്കൂളിന്റെ വികസന പ്രവർത്തനത്തിനായി ലഭിച്ചത്. കിഫ്‌ബി വഴി അനുവദിച്ച 3 കോടി രൂപ ഉപയോഗിച്ച് കെട്ടിടം പണി പൂർത്തീകരിച്ചു ഉദ്ഘാടനം കഴിഞ്ഞിരുന്നു. അതിന് ശേഷം പുതിയ വി.എച്ച്.എസ്.ഇ കെട്ടിടത്തിനായി 84 ലക്ഷം രൂപയും അനുവദിച്ചിരുന്നു.

ഇതുകൂടാതെ ബഡ്ജറ്റിൽ ശുപാർശ ചെയ്തതിന്റെ അടിസ്ഥാനത്തിൽ 3 കോടി രൂപ കൂടെ പയ്യോളി ഗവ.വൊക്കേഷണൽ ഹയർ സെക്കണ്ടറി സ്കൂളിനായി അനുവദിച്ചിട്ടുണ്ട്. അതിന്റെ എസ്റ്റിമേറ്റ് നടപടികളും പ്രാരംഭ പ്രവർത്തനങ്ങളും ഉടനെ ആരംഭിക്കും.