തിക്കോടിയന്‍ സ്മാരക ഗവണ്‍മെന്റ് വൊക്കേഷണല്‍ ഹയര്‍ സെക്കണ്ടറി സ്‌കൂള്‍ പി.ടി.എ തെരഞ്ഞെടുപ്പില്‍ എല്‍.ഡി.എഫ് അനുകൂല പാനലിന് വിജയം; പുതിയ കമ്മിറ്റി നിലവില്‍ വന്നത് വാശിയേറിയ തെരഞ്ഞെടുപ്പിനൊടുവില്‍
പയ്യോളി: തിക്കോടിയന്‍ സ്മാരക ഗവണ്‍മെന്റ് വൊക്കേഷണല്‍ ഹയര്‍ സെക്കണ്ടറി സ്‌കൂളില്‍ നടന്ന പി.ടി.എ തെരഞ്ഞെടുപ്പില്‍ എല്‍.ഡി.എഫ് അനുകൂല പാലിന് വന്‍വിജയം. വാശിയേറിയ മത്സരത്തിലൂടെയാണ് എല്‍.ഡി.എഫ് അനുകൂല പാനല്‍ പി.ടി.എ ഭരണം തിരിച്ചുപിടിച്ചത്.
ഉച്ചയ്ക്ക് മൂന്നുമണിക്ക് തുടങ്ങിയ ജനറല്‍ ബോഡി യോഗം രാത്രി ഒമ്പതുമണിയോടെയാണ് അവസാനിച്ചത്. നേരത്തെയുണ്ടായിരുന്ന യു.ഡി.എഫ് അനുകൂല പാനലിന്റെ പ്രവര്‍ത്തനങ്ങള്‍ക്കെതിരെ ജനറല്‍ ബോഡിയില്‍ രൂക്ഷമായ വിമര്‍ശനമുയര്‍ന്നു. തുടര്‍ന്നാണ് വാശിയേറിയ തെരഞ്ഞെടുപ്പ് നടന്നത്. തെരഞ്ഞെടുപ്പില്‍ പ്രമോദ് സി.ചാലില്‍ പ്രസിഡന്റായുള്ള കമ്മിറ്റി നിലവില്‍ വന്നു.
ഹൈസ്‌കൂള്‍ വിഭാഗത്തില്‍ ആബിദ് മന്ദച്ചന്‍ വീട്ടില്‍, ജി.കെ.ബാബു, ബിജില നടയ്ക്കല്‍, രമേശന്‍ കൊക്കാലേരി, ശ്രീശരാജ്.ടി.എസ്, സുജിന, പി.കെ എന്നിവരും വി.എച്ച്.എസ്.ഇ വിഭഭാഗത്തില്‍ സിന്ധു കുളമുള്ളകണ്ടി, ബിജിന വായോത്ത് എന്നിവരും ഹയര്‍ സെക്കണ്ടറി വിഭാഗത്തില്‍ ഷാഹിന.എന്‍, ലിഷ കാപ്പിരിക്കാട്, പ്രമോദ്.സി.ചാലില്‍ എന്നിവരുമാണ് കമ്മിറ്റിയിലേക്ക് തെരഞ്ഞെടുക്കപ്പെട്ടത്.