കൊയിലാണ്ടിയില്‍ ഇലട്രിക്ക് ലൈനില്‍ മരം പൊട്ടിവീണു
കൊയിലാണ്ടി: നഗരത്തില്‍ ഇലട്രിക്ക് ലൈനില്‍ മരം പൊട്ടിവീണു. കൃഷ്ണ തിയേറ്ററിന് സമീപമുള്ള നാഷണല്‍ ടൂറിസ്റ്റ് ഹോമിനു മുന്നില്‍ ഇന്ന് രാവിലെ ഏഴ് മണിയോടെയാണ് സംഭവം. മരം പൊട്ടി വീണതിനെ തുടര്‍ന്ന് നഗരത്തില്‍ ഗതാതഗ തടസമേര്‍പ്പെട്ടു. കൊയിലാണ്ടി അഗ്നിരക്ഷാ നിലയത്തില്‍ നിന്നുള്ളവര്‍ എത്തി മരം മുറിച്ചുമാറ്റിയതോടെയാണ് ഗതാഗത തടസം മാറിയത്.
ഗ്രേഡ് അസിസ്റ്റന്റ് സ്റ്റേഷന്‍ ഓഫീസര്‍ മജീദിന്റെ നേതൃത്വത്തിലുള്ള സംഘമാണ് രക്ഷാപ്രവര്‍ത്തനം നടത്തിയത്. മനോജ് പി വി,നിധി പ്രസാദ് ഇ എം,അരുണ്‍എസ്,അമല്‍,രാജീവ് എന്നിവര്‍ പ്രവര്‍ത്തനത്തില്‍ ഏര്‍പ്പെട്ടു.
