കൊയിലാണ്ടി ഉപജില്ലയില്‍ വിരമിക്കുന്ന അധ്യാപകര്‍ക്ക് യാത്രയയപ്പ് നല്‍കി കെ.എസ്.ടി.എ
കൊയിലാണ്ടി: കൊയിലാണ്ടി ഉപജില്ലയില്‍ നിന്നും വിരമിക്കുന്ന അധ്യാപകര്‍ക്ക് കെ.എസ്.ടി.എ കൊയിലാണ്ടി സബ് ജില്ല കമ്മിറ്റി യാത്രയയപ്പ് നല്‍കി. സബ്ജില്ല പ്രസിഡണ്ട് ഗണേഷ് കക്കഞ്ചേരി അധ്യക്ഷത വഹിച്ച ചടങ്ങില്‍ കെ.എസ്.ടി.എ സംസ്ഥാന സമിതി അംഗം കെ.ഷാജിമ വിരമിക്കുന്ന അധ്യാപകര്‍ക്ക് ഉപഹാരം നല്‍കി.
വിവിധ കലാ മത്സരത്തില്‍ വിജയിച്ചവര്‍ക്കുള്ള സമ്മാന വിതരണം ജില്ല സെക്രട്ടറി ആര്‍ എം രാജന്‍ നിര്‍വഹിച്ചു. ജില്ലാ എക്‌സി. അംഗം. ഡി.കെ.ബിജു, വി അരവിന്ദന്‍ എന്നിവര്‍ സംസാരിച്ചു. സബ്ജില്ല സെക്രട്ടറി ഉണ്ണികൃഷ്ണന്‍ സി സ്വാഗതവും കെ.കെ.ചന്ദ്രമതി നന്ദിയും പറഞ്ഞു.
