അഗ്നിരക്ഷാ വകുപ്പിന്റെ കോഴിക്കോട് മേഖലാ സ്‌പോര്‍ട്‌സ് മീറ്റ്: വോളിബോളില്‍ പേരാമ്പ്ര ജേതാക്കള്‍
പേരാമ്പ്ര: അഗ്‌നി രക്ഷാ വകുപ്പിന്റെ കോഴിക്കോട് മേഖലാ സ്‌പോര്‍ട്‌സ് മീറ്റിന്റെ ഭാഗമായി നടന്ന വോളിബോള്‍ മത്സരത്തില്‍ പേരാമ്പ്ര ജേതാക്കള്‍. ഫൈനലില്‍ തുടര്‍ച്ചയായി രണ്ടു സെറ്റുകള്‍ക്ക് വെള്ളിമാടുകുന്നിനെ പരാജയപ്പെടുത്തിയാണ് പേരാമ്പ്ര നേട്ടംകൊയ്തത്.
വയനാട് ജില്ലാ ടീം, നാദാപുരം, വടകര, കൊയിലാണ്ടി, മുക്കം, കോഴിക്കോട് ബീച്ച്, മീഞ്ചന്ത വെള്ളിമാടുകുന്ന് എന്നീ ടീമുകള്‍ മത്സരത്തില്‍ പങ്കെടുത്തു. നേരത്തെ ഫയര്‍ സര്‍വീസ് സംഘടന നടത്തിയ മേഖലാതല മത്സരത്തിലും പേരാമ്പ്ര വിജയം നേടിയിരുന്നു.
