കശ്മീരില്‍ വീരമൃത്യുവരിച്ച ചേമഞ്ചേരി സ്വദേശി നായിബ് സുബേദാര്‍ എം.ശ്രീജിത്തിന്റെ വീട് സന്ദര്‍ശിച്ച് വി.ഡി.സതീശന്‍
കൊയിലാണ്ടി: 2021 ജൂലൈ 8 ന് ജമ്മു കാശ്മീരില്‍ തീവ്രവാദികളുമായുണ്ടായ ഏറ്റുമുട്ടലില്‍ വീരമൃത്യു വരിച്ച ചേമഞ്ചേരി സ്വദേശി നായിബ് സുബേദാര്‍ എം.ശ്രീജിത്തിന്റെ വീട് പ്രതിപക്ഷ നേതാവ് വി.ഡി.സതീശന്‍ സന്ദര്‍ശിച്ചു. ശ്രീജിത്തിന്റെ സ്മൃതി മണ്ഡപത്തില്‍ പുഷ്പാര്‍ച്ചന നടത്തി.
ഡി.സി.സി.പ്രസിഡണ്ട് അഡ്വ.കെ പ്രവീണ്‍ കുമാര്‍, കെ.പി.സി.സി ജനറല്‍ സെക്രട്ടറി അഡ്വ.പി.എം.നിയാസ്, സത്യന്‍ കടിയങ്ങാട്, മാടഞ്ചേരി സത്യനാഥന്‍, ഷബിര്‍ എളവനക്കണ്ടി, വത്സല പുല്ല്യത്ത് എന്നിവരും പ്രതിപക്ഷ നേതാവിനോടൊപ്പമുണ്ടായിരുന്നു.
ആശ്രിത നിയമനത്തില്‍ വരുന്ന കാലതാമസം ഒഴിവാക്കാന്‍ അടിയന്തിരമായി ഇടപെടുമെന്ന് പ്രതിപക്ഷ നേതാവ് ശ്രീജിത്തിന്റെ കുടുംബാംഗങ്ങള്‍ക്ക് ഉറപ്പു നല്‍കി.
