മികച്ച പ്രവര്‍ത്തനങ്ങള്‍ സംഘടിപ്പിച്ച പഞ്ചായത്തുകള്‍ക്ക് പേരാമ്പ്ര ബ്ലോക്ക് പഞ്ചായത്തിന്റെ ആദരം
പേരാമ്പ്ര: ബ്ലോക്ക് പരിധിയില്‍ മികവാര്‍ന്ന പ്രവര്‍ത്തനങ്ങള്‍ കാഴ്ചവെച്ച പഞ്ചായത്തുകള്‍ക്ക് പേരാമ്പ്ര ബ്ലോക്ക് പഞ്ചായത്തിന്റെ ആദരം. നൊച്ചാട്, ചക്കിട്ടപ്പാറ, ചങ്ങരോത്ത്, കൂത്താളി, കായണ്ണ, ചെറുവണ്ണൂര്‍, പേരാമ്പ്ര പഞ്ചായത്തുകളെയാണ് ആദരിച്ചത്.
പേരാമ്പ്ര എം.എല്‍.എ ടി.പി രാമകൃഷ്ണന്‍ വിവിധ ഗ്രാമ പഞ്ചായത്തുകള്‍ക്ക് ഉപഹാരം നല്‍കി. ബ്ലോക്ക് പഞ്ചായത്ത് പ്രസിഡന്റ് എന്‍.പി. ബാബു അദ്ധ്യക്ഷത വഹിച്ചു. ശശികുമാര്‍ പേരാമ്പ്ര സ്വാഗതവും ബി.ഡി.ഒ പി.വി ബേബി നന്ദിയും പറഞ്ഞു. ആസൂത്രണ സമിതി വൈസ് പ്രസിഡന്റ് എം. കുഞ്ഞമ്മത് മാസ്റ്റര്‍ അംഗങ്ങളായ എ.കെ ചന്ദ്രന്‍, എസ്.കെ. അസ്സൈനാര്‍ ബ്ലോക്ക് അംഗങ്ങളായ കെ.സജീവന്‍ മാസ്റ്റര്‍, ഗിരിജാ ശശി എന്നിവര്‍ ആശംസകള്‍ നേര്‍ന്നു.
ഗ്രാമപഞ്ചായത്ത് പ്രസിഡന്റുമാരായ ശാന്ത പട്ടേരി കണ്ടി (നൊച്ചാട് ) വി.കെ. പ്രമോദ് (പേരാമ്പ്ര), കെ. സുനില്‍ (ചക്കിട്ടപാറ), ഉണ്ണി വേങ്ങേരി (ചങ്ങരോത്ത്), കെ.കെ ബിന്ദു (കൂത്താളി), സി.കെ ശശി (കായണ്ണ), പ്രവിത വൈസ് പ്രസിഡന്റ് (ചെറുവണ്ണൂര്‍) എന്നിവര്‍ ഉപഹാരം ഏറ്റുവാങ്ങി.
