കാലിക്കറ്റ് യൂണിവേഴ്‌സിറ്റി ഇന്റര്‍സോണ്‍ കളരി ചാമ്പ്യന്‍ഷിപ്പ് കൊയിലാണ്ടിയില്‍
കൊയിലാണ്ടി: കാലിക്കറ്റ് യൂണിവേഴ്‌സിറ്റി ഇന്റര്‍ സോണ്‍ കളരി ചാമ്പ്യന്‍ഷിപ് കൊയിലാണ്ടി ഇ.എം.എസ് സ്മാരക ടൗണ്‍ഹാളില്‍ ആരംഭിച്ചു. കൊയിലാണ്ടി ഗവണ്‍മെന്റ് കോളേജാണ് സംഘാടകര്‍. കൊയിലാണ്ടി എം.എല്‍.എ കാനത്തില്‍ ജമീല മത്സരം ഉദ്ഘാടനം ചെയ്തു.
വിദ്യാലയങ്ങള്‍ കേന്ദ്രീകരിച്ച് കളരി പോലുള്ള കായിക ഇനങ്ങള്‍ പരിശീലിപ്പിക്കണമെന്നും അത് ശരീരികമായും മാനസികമായും ഏകാഗ്രത വളര്‍ത്തുമെന്നും എം.എല്‍.എ അഭിപ്രായപ്പെട്ടു. കൊയിലാണ്ടി നഗരസഭ ചെയര്‍പേഴ്‌സണ്‍ സുധ കിഴക്കെപ്പാട്ട് അധ്യക്ഷത വഹിച്ചു. അഡ്വ കെ.സത്യന്‍ സ്വാഗതവും ഡോ അനീഷ്ബാബു പി.വി. നന്ദിയും പറഞ്ഞു. മൂടാടി പഞ്ചായത്ത് പ്രസിഡന്റ് സി.കെ.ശ്രീകുമാര്‍, പ്രിന്‍സിപ്പല്‍ സി.വി.ഷാജി, അന്‍വര്‍ സാദത്ത്, റിജുല്‍ എന്നിവര്‍ സംസാരിച്ചു.
യൂണിവേഴ്‌സിറ്റിക്ക് കീഴിലെ അഞ്ച് ജില്ലകളില്‍ നിന്നായി നൂറിലേറെ മത്സരാര്‍ഥികളാണ് മത്സരിക്കുന്നത്. മെയ്പ്പയറ്റ്, വടി, വാള്‍, ഉറുമി, ചുരിക പന്ത്രണ്ടു ഇനങ്ങളിലാണ് മത്സരം.
