‘എങ്ങുപോയെന്‍ സഖാവ്’ രക്തസാക്ഷി പി.ബി സന്ദീപിന് ഡി.വൈ.എഫ്.ഐ പന്തിരിക്കര മേഖലാ കമ്മിറ്റിയുടെ ഗാനാഞ്ജലി
പേരാമ്പ്ര: തിരുവല്ലയില്‍ ആര്‍.എസ്.എസ് പ്രവര്‍ത്തകര്‍ കുത്തിക്കൊന്ന സി.പി.എം പെരിങ്ങര ലോക്കല്‍ സെക്രട്ടറി പി.ബി സന്ദീപിന്റെ ഓര്‍മ്മകള്‍ക്ക് മുമ്പില്‍ ഗാനാഞ്ജലിയുമായി ഡി.വൈ.എഫ്.ഐ പന്തിരിക്കര മേഖലാ കമ്മിറ്റി. ‘ഉയര്‍ന്നുപാറിപ്പറക്കുന്ന പൊന്നരിവാളിന്‍ കണ്ണുള്ള’ എന്നു തുടങ്ങുന്ന ഗാനമൊരുക്കിക്കൊണ്ടാണ് പന്തിരിക്കര മേഖലാ കമ്മിറ്റി സന്ദീപിന് സ്മരണാര്‍ഞ്ജലിയര്‍പ്പിച്ചത്.
കെ.എസ് സജിത്തിന്റേതാരണ് വരികള്‍. ശ്രീജിത്ത് കൃഷ്ണ ശ്രുതിലയം സംഗീതം നല്‍കി ശരണ്യ സജിത്തും ബേബി സഖ സജിത്തുമാണ് ഗാനം ആലപിച്ചത്. പാര്‍ട്ടി കോണ്‍ഗ്രസ് പതാക ജാഥാ വേദിയില്‍ ‘എങ്ങുപോയെന്‍ സഖാവ്’ എന്ന പേരിലുള്ള ഗാനത്തിന്റെ സി.ഡി സി.പി.എം സംസ്ഥാന സെക്രട്ടറിയേറ്റംഗം എം.സ്വരാജ് പ്രകാശനം ചെയ്തു.
2021 ഡിസംബര്‍ രണ്ടിനാണ് പെരിങ്ങര ലോക്കല്‍ സെക്രട്ടറിയും മുന്‍ പഞ്ചായത്ത് അംഗവുമായ പി.ബി.സന്ദീപ് കുമാര്‍ കൊല്ലപ്പെട്ടത്. ചാത്തങ്കരിയില്‍ വഴിയില്‍ കലുങ്കില്‍ ഇരിക്കുകയായിരുന്ന സന്ദീപിനെ മൂന്ന് ബൈക്കുകളിലെത്തിയ സംഘം കൊലപ്പെടുത്തുകയായിരുന്നു.
