തൊണ്ണൂറ്റിയെട്ടിന്റെ നിറവില്‍ മേപ്പയ്യൂര്‍ ചാവട്ട് എംഎല്‍പി സ്‌കൂള്‍; വാര്‍ഷികാഘോഷവും അനുമോദന സദസും സംഘടിപ്പിച്ചു
മേപ്പയ്യൂര്‍: ചാവട്ട് എംഎല്‍പി സ്‌കൂളില്‍ തൊണ്ണൂറ്റിയെട്ടാം വാര്‍ഷികാഘോഷം സംഘടിപ്പിച്ചു. പരിപാടിയുടെ ഭാഗമായി സ്‌കോളര്‍ഷിപ്പ് വിജയികള്‍ക്ക് അനുമോദനവും വിരമിച്ച അധ്യാപകിയ്ക്ക് സ്‌നേഹാദരവും സംഘടിപ്പിച്ചു. കോഴിക്കോട് ജില്ലാപഞ്ചായത്ത് വൈസ് പ്രസിഡന്റ് എം.പി ശിവാനന്ദന്‍ പരിപാടി ഉദ്ഘാടനം ചെയ്തു. മേലടി ബ്ലോക്ക് പഞ്ചായത്ത് പ്രസിഡന്റ് കെപി ഗോപാലന്‍ നായര്‍ ഉപഹാര സമര്‍പ്പണം നടത്തി.
2020ല്‍ സ്‌കൂളില്‍ നിന്ന് വിരമിച്ച എന്‍പി ജമീല ടീച്ചര്‍, സ്‌കൂളിന്റെ സമീപത്തുള്ള കണ്ണമ്പത്ത് അങ്ങാന്‍വാടിയില്‍ നിന്ന് വിരമിക്കുന്ന എ ശാന്ത ടീച്ചര്‍ എന്നിവര്‍ക്കാണ് സ്‌നേഹാദരം നല്‍കിയത്. എല്‍എസ്എസ്, അറബിക് ടാലന്റ് ടെസ്റ്റ് വിജയികളെ ചടങ്ങില്‍ അനുമോദിക്കുകയും ചെയ്തു. മുഹമ്മദ് ഫര്‍ഹാന്‍, മുഹമ്മദ് ഷഹബാസ്,സിറാജുല്‍ അമന്‍ എന്നീ എല്‍എസ്എസ് വിജയികള്‍ക്കും തന്‍ഹ ഫാത്തിമ, പി കെ നഈം, നിയ മെഹ്റിന്‍ എന്നീ അറബിക്ക് ടാലന്റ് ടെസ്റ്റ് വിജയികള്‍ക്കും ഉപജില്ലാതല സാഹിത്യ കുടുംബ ക്വിസ്സ് വിജയി ഷാന്‍വിന്‍ ഷാജിക്കും ഉപഹാരം നല്‍കി.
പിടിഎ പ്രസിഡന്റ് സികെഎസ് ദാരിമി അധ്യക്ഷത വഹിച്ചു. ചടങ്ങില്‍ ഷാജി കെകെ, കെ ശശിധരന്‍, ഫൈസല്‍ ചാവട്ട്, എന്‍.പി കുഞ്ഞിരാമന്‍, പൂര്‍വ്വകാല പ്രധാനാധ്യാപകരായ പികെ ബിയ്യാത്തു ടീച്ചര്‍, എ.വി നാരായണന്‍ മാസ്റ്റര്‍, മുന്‍കാല അധ്യാപകന്‍ ടി വേണു മാസ്റ്റര്‍, മാനേജര്‍ പി കുഞ്ഞമ്മദ് തുടങ്ങിയവര്‍ സംസാരിച്ചു. തുടര്‍ന്ന് കുട്ടികളുടെ വിവിധ കലാപ്രകടനങ്ങള്‍ അരങ്ങേറി. സ്‌കൂള്‍ പ്രധാനാധ്യാപിക സ്മിത സിഎം സ്വാഗതവും റബിഷ എംപി നന്ദിയും പറഞ്ഞു. 