പേരാമ്പ്ര: കുറ്റ്യാടി പുഴയിൽ ഒഴുക്കിൽ പെട്ട നവദമ്പതികളിൽ ഭർത്താവ് മരിച്ചു. ചങ്ങരോത്ത് കടിയങ്ങാട് സ്വദേശികളാണ് അപകടത്തിൽ പെട്ടത്. വിവാഹ ശേഷമുള്ള ഫോട്ടോഷൂട്ടിനായി ജാനകിക്കാട് ഭാഗത്ത് കുറ്റ്യാടി പുഴയുടെ ചവറം മൂഴിയിൽ എത്തിയതായിരുന്നു ഇവർ.

വെള്ളത്തിൽ അകപ്പെട്ടത് കണ്ടതിനെ തുടർന്ന് ഇവരുടെ ഒപ്പം വന്നവരും ഓടിക്കൂടിയ നാട്ടുകാരും ഇരുവരെയും ഉടനെ തന്നെ പുറത്തെടുത്ത് പത്തിരിക്കരയിലെ സ്വകാര്യ ആശുപത്രിയിൽ എത്തിച്ചെങ്കിലും യുവാവിന്റെ ജീവൻ രക്ഷിക്കാനായില്ല. ഭാര്യയെ മലബാർ മെഡിക്കൽ കോളെജ് ആശുപത്രിയിലേക്ക് മാറ്റി.