മേപ്പയ്യൂര്‍: ഇരിങ്ങത്തിനടുത്തുള്ള പ്രതീക്ഷയിലുണ്ടായ വാഹനാപകടത്തില്‍  മേപ്പയൂര്‍ സ്വദേശിക്ക് ദാരുണാന്ത്യം. നടുവത്തോത്ത് മീത്തല്‍ അനീഷ് ആണ് മരിച്ചത്. ഇന്നലെ രാത്രി ഏഴരയോടെയാണ് അപകടമുണ്ടായത്.

അനീഷ് സഞ്ചരിച്ച ബൈക്ക് മുന്നിലുണ്ടായിരുന്ന ബൈക്കില്‍ ഇടിക്കുകയായിരുന്നു. അപകടത്തില്‍ ഗുരുതരമായി പരിക്കേറ്റ അനീഷിനെ ഉടനെ കൊയിലാണ്ടി താലൂക്ക് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. കോഴിക്കോട് മെഡിക്കല്‍ കോളേജ് ആശുപത്രിയില്‍ സൂക്ഷിച്ചിരിക്കുന്ന മൃതദേഹം പോസ്റ്റുമോര്‍ട്ടത്തിന് ശേഷം ബന്ധുക്കള്‍ക്ക് വിട്ടുല്‍കും.