ദേശീയപാതയില്‍ പയ്യോളിയില്‍ ചരക്കുലോറി കാറിലിടിച്ച് അപകടം; മേപ്പയ്യൂര്‍ സ്വദേശികളായ കാര്‍ യാത്രികര്‍ക്ക് പരിക്ക്
പയ്യോളി: ദേശീയപാതയില്‍ പയ്യോളിയില്‍ ചരക്കുലോറി കാറിലിടിച്ച് അപകടം. പേരാമ്പ്ര റോഡ് ജങ്ഷനില്‍ ഇന്ന് ഉച്ചയ്ക്ക് ഒരുമണിയോടെയായിരുന്നു സംഭവം.
മേപ്പയ്യൂര്‍ സ്വദേശികള്‍ സഞ്ചരിച്ച കാറാണ് അപകടത്തില്‍പ്പെട്ടത്. കാര്‍ യാത്രികരായ കുടുംബത്തിന് പരിക്കുണ്ട്. പരിക്കേറ്റവരെ പയ്യോളിയിലെ സ്വകാര്യ ആശുപത്രിയില്‍ പ്രവേശിപ്പിച്ചു. കോഴിക്കോട് ഭാഗത്തേക്ക് പോവുകയായിരുന്ന ചരക്ക് ലോറി പേരാമ്പ്ര റോഡില്‍ നിന്നും ദേശീയപാതയിലേക്ക് കയറുകയായിരുന്ന കാറില്‍ ഇടിക്കുകയായിരുന്നു.