ബുദ്ധിമുട്ടിയത് കുട്ടികളടക്കം 180 യാത്രക്കാര്‍: കരിപ്പൂരില്‍ നിന്നും ഷാര്‍ജയിലേക്ക് പോകേണ്ട വിമാന സര്‍വ്വീസ് വൈകുന്നു
കോഴിക്കോട്: കരിപ്പൂര്‍ വിമാനത്താവളത്തില്‍ നിന്നും ഷാര്‍ജയിലേക്കുള്ള വിമാന സര്‍വീസ് വൈകുന്നു. എന്‍ജിന്‍ തകരാറിനെ തുടര്‍ന്നാണ് വിമാന സര്‍വീസ് തടസപ്പെട്ടത്. യാത്ര വൈകുന്നതോടെ യാത്രക്കാര്‍ ദുരിതത്തിലായി. ഇന്ന് രാവിലെ 11:45 ന് ഷാര്‍ജയിലേക്ക് പുറപ്പെടേണ്ട എയര്‍ ഇന്ത്യ ഐഎക്സ് 351 വിമാനത്തിന്റെ എന്‍ജിനാണ് തകരാറിലായത്.
യാത്രക്കാര്‍ വിമാനത്തില്‍ കയറിയതിന് ശേഷമാണ് വിമാനത്തിന്റെ എന്‍ജിന്‍ തകരാര്‍ കണ്ടെത്തുന്നത്. ഉടനെ യാത്രക്കാരെ മുഴുവന്‍ പുറത്തിറക്കിയിരുന്നു. കുട്ടികളടക്കം 180 യാത്രക്കാരാണ് വിമാനത്തില്‍ ഉണ്ടായിരുന്നത്. എപ്പോള്‍ യാത്ര തുടങ്ങാമെന്ന കാര്യത്തില്‍ അനിശ്ചിതത്വം തുടരുകയാണ്.