വീരവഞ്ചേരി: സ്കൂൾ മുറ്റത്തേക്കവർ ഓടിയെത്തി, ഓർമ്മകളും അനുഭവങ്ങളും പങ്കുവയ്ക്കാൻ. വീരവഞ്ചേരി എൽ പി സ്കൂളിൽ നൂറാം വാർഷികാഘോഷത്തിന്റെ ഭാഗമായി പൂർവ്വ വിദ്യാർത്ഥി യോഗം സംഘടിപ്പിച്ചു. പൂർവ്വ വിദ്യാർത്ഥിയും പന്തലായനി ബ്ലോക്ക്‌ പഞ്ചായത്ത് മെമ്പറുമായ കുമാരി ചൈത്ര വിജയൻ യോഗം ഉദ്ഘാടനം ചെയ്തു.

പ്രസിഡന്റ്‌ എം.ടി ബാലകൃഷ്ണൻ അധ്യക്ഷത വഹിച്ചു. സാമ്പത്തിക കമ്മിറ്റി ചെയർമാൻ ഡോക്ടർ യു ശ്രീധരൻ, മുൻ പ്രധാനധ്യാപകൻ ഒ രാഘവൻ മാസ്റ്റർ, പി.ടി.എ പ്രസിഡന്റ്‌ ജിനേഷ് പി എന്നിവർ വാർഷികാഘോഷ വിശദീകരണം നടത്തി. പുതിയ കമ്മിറ്റി ഭാരവാഹികളായി സജികുമാർ രയരോത്ത് (പ്രസിഡന്റ്‌), ബാലകൃഷ്ണൻ എം.ടി (സെക്രട്ടറി) എന്നിവരെ തിരഞ്ഞെടുത്തു. ചടങ്ങിൽ പൂർവ്വ വിദ്യാർത്ഥി സംഘടനാ സെക്രട്ടറി എ വിജയരാഘവൻ സ്വാഗതം പറഞ്ഞു.