‘മന്ത്രി വീണാ ജോര്‍ജ് രാജിവെക്കണം’; കൊയിലാണ്ടിയില്‍ യൂത്ത് ലീഗ് പ്രതിഷേധ പ്രകടനവും കോലം കത്തിക്കലും
കൊയിലാണ്ടി: കോട്ടയം മെഡിക്കല്‍ കോളജില്‍ കെട്ടിടം തകര്‍ന്ന് ബിന്ദു എന്ന സ്ത്രീ മരണപ്പെട്ട സംഭവത്തില്‍ മന്ത്രി വീണാ ജോര്‍ജ് രാജിവെക്കണമെന്നാവശ്യപ്പെട്ട് കൊയിലാണ്ടിയില്‍ യൂത്ത് ലീഗ് പ്രതിഷേധം. നഗരസഭ യൂത്ത് ലീഗ് കമ്മിറ്റിയുടെ നേതൃത്വത്തില്‍ കൊയിലാണ്ടി ടൗണില്‍ പ്രതിഷേധ പ്രകടനവും ബസ് സ്റ്റാന്റ് പരിസരത്ത് മന്ത്രിയുടെ കോലം കത്തിക്കുകയും ചെയ്തു.
പ്രതിഷേധ പരിപാടി യൂത്ത് ലീഗ് ജില്ലാ സെക്രട്ടറി സമദ് നടേരി ഉദ്ഘാടനം ചെയ്തു. മുനിസിപ്പല്‍ യൂത്ത് ലീഗ് പ്രസിഡണ്ട് ബാസിത്ത് മിന്നത്ത് അധ്യക്ഷനായി. മുനിസിപ്പല്‍ ലീഗ് പ്രസിഡണ്ട് കെ.എം.നജീബ്, സെക്രട്ടറി എ.അസീസ് മാസ്റ്റര്‍, അന്‍വര്‍ ഈയ്യഞ്ചേരി, ഹാഷിം വലിയമങ്ങാട്, ലത്തീഫ് ദാരിമി, ഷരീഫ് കൊല്ലം, വി.നിസാം, നബീഹ്, വി.ഫാഹിസ് എന്നിവര്‍ സംസാരിച്ചു, അന്‍വര്‍ വലിയമങ്ങാട് സ്വാഗതവും, സലാം നടേരി നന്ദിയും പറഞ്ഞു.