‘വിദ്യാഭ്യാസ രംഗത്ത് കാലാനുസൃതമായ മാറ്റങ്ങള്‍ വരുത്താന്‍ സര്‍ക്കാര്‍ തയാറാവണം’; കീഴരിയൂരില്‍ യൂത്ത് ടാലന്റ് ഫെസ്റ്റ് നടത്തി യൂത്ത് കോണ്‍ഗ്രസ്
കീഴരിയൂര്‍: യൂത്ത് ടാലന്റ് ഫെസ്റ്റ് സംഘടിപ്പിച്ച് കീഴരിയൂര്‍ മണ്ഡലം യൂത്ത് കോണ്‍ഗ്രസ് കമ്മിറ്റി. ഡിസിസി പ്രസിഡന്റ് കെ.പ്രവീണ്‍ കുമാര്‍ ഫെസ്റ്റ് ഉദ്ഘാടനം ചെയ്തു. വിദ്യാഭ്യാസ രംഗത്ത് കാലാനുസൃതമായ മാറ്റങ്ങള്‍ വരുത്താന്‍ സര്‍ക്കാര്‍ തയാറാവണമെന്ന് അദ്ദേഹം ആവശ്യപ്പെട്ടു.
ബോംബ് കേസ് സ്മരക മന്ദിരത്തില്‍ സംഘടിപ്പിച്ച പരിപാടിയില്‍ വിവിധ പരീക്ഷകളില്‍ ഉന്നത വിജയം നേടിയ വിദ്യാര്‍ഥികളെ ആദരിച്ചു.യൂത്ത് കോണ്‍ഗ്രസ് മണ്ഡലം പ്രസിഡന്റ് ടി.കെ.ഷിനില്‍ അധ്യക്ഷത വഹിച്ചു. കെ എസ് യു ജില്ലാ പ്രസിഡന്റ് വി.ടി. സൂരജ് മുഖ്യ പ്രഭാഷണം നടത്തി.
ജില്ലാ വൈസ് പ്രസിഡന്റ് എസ്.സുനന്ദ്, മണ്ഡലം കോണ്‍ഗ്രസ് പ്രസിഡന്റ് ഇടത്തില്‍ ശിവന്‍, പഞ്ചായത്ത് അംഗങ്ങളായ കെ.സി.രാജന്‍, ഇ.എം.മനോജ്, സവിത നിരത്തിന്റെ മീത്തല്‍, കുറുമയില്‍ ജലജ, മുതിര്‍ന്ന കോണ്‍ഗ്രസ് നേതാവ് ചുക്കോത്ത് ബാലന്‍ നായര്‍, ബ്ലോക്ക് കോണ്‍ഗ്രസ് ഭാരവാഹികളായ ടി.കെ.ഗോപാലന്‍, ഇടത്തില്‍ രാമചന്ദ്രന്‍, രജിത കടവത്ത് വളപ്പില്‍, മഹിളാ കോണ്‍ഗ്രസ് മണ്ഡലം പ്രസിഡന്റ് സിറ്റാടില്‍ സുലോചന, കെഎസ് യു നിയോജക മണ്ഡലം പ്രസിഡന്റ് അര്‍ജുന്‍ ഇടത്തില്‍, ജീവന്‍ എസ്.സുധീര്‍ എന്നിവര്‍ പ്രസംഗിച്ചു.