[TOP1]

കൊയിലാണ്ടി: നന്തിയിൽ വാഹനാപകടത്തിൽ മരിച്ച തിരുവള്ളൂർ‍ സ്വദേശി ആകാശിന് വിട നൽകി നാട്. പുതിയ വണ്ടിയുമായി സുഹൃത്തിനൊപ്പം തിരികെ വരുമ്പോഴാണ് അപകടത്തിന്റെ രൂപത്തിൽ മരണം ആകാശിനെ കവർന്നെടുത്തത്. [MID1]

സുഹൃത്തിനൊപ്പം പുതിയ വണ്ടി വാങ്ങാനായി തൃശ്ശൂരിലേക്ക് പോയതായിരുന്നു ആകാശെന്ന് തിരുവള്ളൂർ വാർഡം​ഗം നിഷില പറഞ്ഞു. തിരിച്ച് രണ്ട് ബൈക്കുകളിലായാണ് ഇരുവരും നട്ടിലേക്ക് മടങ്ങിയത്. വളരെ സന്തോഷത്തോടെയുള്ള ആ മടക്ക യാത്ര ഒരു അപകടത്തിൽ അവസാനിക്കുമെന്ന് കരുതിയിരുന്നില്ലെന്ന് നിഷില കൊയിലാണ്ടി ന്യൂസ് ഡോട് കോമിനോട് പറഞ്ഞു. [MID2]

ALSO READ- നന്തിയില്‍ ബൈക്കപകടത്തില്‍ മരിച്ചത് തിരുവള്ളൂര്‍ സ്വദേശിയായ ഇരുപത്തിയൊന്നുകാരന്‍; സംസ്‌കാരം ഇന്ന്

ആകാശിന്റെ സംസ്ക്കാരം വൈകീട്ട് മൂന്ന് മണിയോടെ വീട്ടുവളപ്പിൽ നടന്നു. തങ്ങളുടെ പ്രിയ കൂട്ടുകാരനെ കാണാൻ ആകാശിന്റെ സഹപാഠികളുൾപ്പടെ നിരവധി പേരാണ് തെയ്യമ്പാടിക്കണ്ടി വീട്ടിലേക്ക് എത്തിയത്. ഇന്നലെ രാത്രി 8.50 തോടെയായിരുന്നു ദേശീയ പാതയിൽ നന്തി മേൽപ്പാലത്തിൽ ലോറിയും ആകാശ് സഞ്ചരിച്ച ബൈക്കും കൂട്ടിയിടിച്ച് അപകടം ഉണ്ടായത്. നാട്ടുകാർ ഉടനെ കൊയിലാണ്ടി താലൂക്ക് ആശുപത്രിയിൽ പ്രവേശിപ്പിച്ചെങ്കിലും മരണപ്പെടുകയായിരുന്നു. [MID3]

അവസാന വർഷ ഡി​ഗ്രി വിദ്യാർത്ഥിയാണ് ആകാശ്. അച്ഛൻ: പവിത്രൻ, അമ്മ: മഹിജ. സഹോദരി: ആവണി. [MID4]