ട്രെയിൻ യാത്രയ്ക്കിടെ സൈ​നി​ക​ന്‍റെ തോ​ക്കി​ന്‍റെ തി​ര​യും കാ​ട്രി​ഡ്ജും കവർന്ന കേസ്; പുതിയങ്ങാടി സ്വദേശി പിടിയിൽ





കോഴിക്കോട്: ട്രെ​യി​ൻ​യാ​ത്ര​ക്കി​ടെ സൈ​നി​ക​ന്‍റെ തോ​ക്കി​ന്‍റെ തി​ര​യും തി​ര​നി​റ​ക്കു​ന്ന കാ​ട്രി​ഡ്ജും ക​വ​ർ​ന്ന കേ​സി​ലെ പ്ര​തി പി​ടി​യി​ൽ. പു​തി​യ​ങ്ങാ​ടി സ്വ​ദേ​ശി സീ​താ​ല​യ​ത്തി​ൽ ര​തീ​ഷി​നെ​യാ​ണ്​ ടൗ​ൺ പൊ​ലീ​സ്​ അ​റ​സ്റ്റ് ചെ​യ്ത​ത്. തി​രു​വ​ന​ന്ത​പു​രം ആ​ക്കു​ളം സ​തേ​ൺ എ​യ​ർ ക​മാ​ൻ​ഡ​ന്‍റി​ലെ ഉദ്യോഗസ്ഥനായ സുദേഷിന്റെ തോ​ക്കി​ന്‍റെ തി​ര​ക​ള​ട​ങ്ങി​യ ബാ​ഗാ​ണ്​ ട്രെ​യി​ൻ​യാ​ത്ര​ക്കി​ടെ പ്ര​തി ക​വ​ർ​ന്ന​ത്. ​കണ്ണൂർ മു​ഴു​പ്പി​ല​ങ്ങാ​ട്​ സ്വ​ദേ​ശിയാണ് ഇയാൾ.

മേ​യ്​ പതിനേഴാം തീയതിയാണ്​ കേ​സി​നാ​സ്പ​ദ​മാ​യ സം​ഭ​വം നടക്കുന്നത്. തി​ര​ക​ൾ മോ​ഷ​ണം പോ​യ​തി​ൽ സു​ദേ​ഷി​നെ​തി​​രെ ​ സൈ​ന്യം നടപടി സ്വീകരിച്ചിരുന്നു. സുദേഷും മറ്റുദ്യോഗസ്ഥരും ചെ​ന്നൈ​യി​ൽ സ്​​പെ​ഷ​ൽ ഡ്യൂ​ട്ടി ക​ഴി​ഞ്ഞ്​ വരുമ്പോഴാണ് സംഭവം, ഇവർ കോ​യ​മ്പ​ത്തൂ​രി​ന​ടു​ത്തു​ വെ​ച്ച്​ ട്രെ​യി​നി​ൽ​നി​ന്ന്​ പു​റ​ത്തേ​ക്കി​റ​ങ്ങി​യ​പ്പോ​ൾ ​സു​ദേ​ഷി​ന്‍റെ ബാ​ഗു​മാ​യി പ്ര​തി ക​ട​ന്നു​ക​ള​യു​ക​യാ​യി​രു​ന്നു. സം​ഭ​വ​ത്തി​ൽ കോ​യ​മ്പ​ത്തൂ​ർ റെ​യി​ൽ​വേ പോലീസ് കേസ് എടുത്തിരുന്നു. ബാഗിലുണ്ടായിരുന്ന തി​ര​ക​ൾ ട്രെ​യി​ൻ​യാ​ത്ര​ക്കി​​ടെ പു​റ​ത്തേ​ക്കെ​റി​ഞ്ഞു എ​ന്നാ​ണ്​ പ്ര​തി പൊ​ലീ​സി​നോ​ട്​ പ​റ​ഞ്ഞ​ത്.

സി.​സി.​ടി.​വി ക്യാമറയുടെ ദൃശ്യങ്ങളിൽ നിന്നാണ് പ്രതിയുടെ ചിത്രം കണ്ടെത്തിയെങ്കിലും വി​വി​ധ​യി​ട​ങ്ങ​ളി​ൽ അ​ന്വേ​ഷി​ച്ചി​ട്ടും ക​ണ്ടെ​ത്താ​നാ​യി​രു​ന്നി​ല്ല. ഒടുവിൽ കോഴിക്കോട് സ്വദേശിയാണെന്നറിഞ്ഞതിനെ തുടർന്ന് നടത്തിയ പരിശോധനയിലാണ് ഇയാളെ കണ്ടെത്തിയത്. ഇയാൾ മുൻപും ജില്ലയിൽ നി​ര​വ​ധി ക​വ​ർ​ച്ച, പി​ടി​ച്ചു​പ​റി കേ​സു​ക​ളി​ൽ പ്രതിയാണ്. ഒ​ന്ന​ര​മാ​സം മു​മ്പാ​ണ്​ ജി​ല്ല ജ​യി​ലി​ൽ​നി​ന്ന്​ പു​റ​ത്തി​റ​ങ്ങി​യ​തെന്ന് പൊ​ലീ​സ്​ പ​റ​ഞ്ഞു.