പയ്യോളി: സി.ഒ.എ.ടീംസ് നാലാമത് സംരംഭക കൺവെൻഷൻ കേബിൾ ടിവി ഓപ്പറേറ്റേഴ്സ് അസോസിയേഷൻ ജനറൽ സെക്രട്ടറി പി.ബി സുരേഷ് ഉദ്ഘാടനം ചെയ്തു. രാജ്യത്ത് കേബിൾ ടിവി മേഖലയിൽ വൈവിധ്യവത്ക്കരണം നടക്കുന്ന ഇക്കാലയളവിൽ സി.ഒ.എയുടെ നേതൃത്വത്തിൽ കേരളത്തിലെ ചെറുകിട കേബിൾ ടിവി ഓപ്പറേറർമാരെ ഒറ്റ കുടക്കീഴിൽ നിർത്തി കെസിസിഎൽ കമ്പനി രൂപവത്കരിച്ച് 25 വർഷം പിന്നിടുമ്പോൾ കുത്തകകൾക്കെതിരെയുള്ള ജനകീയ ബദലിന്‌ മാതൃകയാകാൻ കഴിഞ്ഞത് കേരള വിഷൻ എന്ന ബ്രാൻഡിൻ്റെ പ്രത്യേകതയാണെന്ന് അദ്ധേഹം പറഞ്ഞു.

പയ്യോളി പെരുമ ഓഡിറ്റോറിയത്തിൽ വച്ച് നടന്ന ചടങ്ങില്‍ സംസ്ഥാന ട്രഷറർ ബിനു ശിവദാസ് സംഘടനയും ഇന്‍ഡസ്ട്രിയുമായി ബന്ധപ്പെട്ട വിഷയങ്ങളെകുറിച്ച് മുഖ്യ പ്രഭാഷണം നടത്തി. വിവിധ പരീക്ഷകളിൽ ഉന്നത വിജയം നേടിയ ഓപ്പറേറ്റർമാരുടെ കുട്ടികള്‍ക്ക്‌ ജനറൽ സെക്രട്ടറി പിബി സുരേഷ്, കേരളാ വിഷൻ ചെയർമാൻ കെ.ഗോവിന്ദൻ, സി.ഒ.എ സംസ്ഥാന ട്രഷറർ ബിനു ശിവദാസ്, സംസ്ഥാന നിർവ്വാഹക സമിതി അംഗം എം.മൻസൂർ, കമ്പനി ചെയർമാൻ റജിൽ വി.ആർ, മാനേജിങ്ങ് ഡയറക്ടർ കെ.വിനോദ്കുമാർ എന്നിവർ ചേർന്ന് പുരസ്‌കാരങ്ങള്‍ വിതരണം ചെയ്തു.

സി.ഒ.എ കോഴിക്കോട് ജില്ലാ സെക്രട്ടറി ഒ.ഉണ്ണികൃഷ്ണൻ സ്വാഗതം പറഞ്ഞു. ചെയർമാൻ റജിൽ അദ്ധ്യക്ഷത വഹിച്ചു.