നീര്ച്ചാലുകള് വീണ്ടെടുക്കാനുള്ള ഉദ്യമത്തിന് തുടക്കമിട്ട് ചേമഞ്ചേരി; ഇനി ഞാന് ഒഴുകട്ടെ ജനകീയ ക്യാമ്പയിന് തുടക്കമായി
ചേമഞ്ചരി: ചേമഞ്ചേരി ഗ്രാമപഞ്ചായത്തില് മാലിന്യമുക്തം നവകേരളം കര്മ്മ പദ്ധതിയുടെ ഭാഗമായി നീര്ച്ചാലുകളുടെ വീണ്ടെടുപ്പ്പദ്ധതി തുടങ്ങി. ഹരിതകേരള മിഷന്റെ ‘ഇനി ഞാന് ഒഴുകട്ടെ ‘ജനകീയ ക്യാമ്പയിന്റെ ഭാഗമായാണ് പദ്ധതി നടത്തുന്നത്. പഞ്ചായത്തിന്റെ 3,5,6 വാര്ഡുകളിലൂടെ കടന്നുപോകുന്ന ‘കാരാന്തോട്’ സന്നദ്ധ പ്രവര്ത്തകര്, കുടുംബശ്രീ പ്രവര്ത്തകര്, ദേശീയ ഗ്രാമീണ തൊഴിലുറപ്പ് തൊഴിലാളികള് തുടങ്ങിയവര് ചേര്ന്ന് ശുചീകരണം നടത്തി.
ഗ്രാമപഞ്ചായത്ത് പ്രസിഡണ്ട് സതി കിഴക്കയില് ഉദ്ഘാടനം ചെയ്തു. പഞ്ചായത്ത് സെക്രട്ടറി ടി.അനില്കുമാര് സ്ഥിരം സമിതി അധ്യക്ഷന്മാരായ സന്ധ്യാഷിബു, അതുല്യാ ബൈജു ഗ്രാമപഞ്ചായത്തംഗങ്ങളായ ഗീതമല്ലോളി, സജിത ഷെറി, ലതിക.സി തുടങ്ങിയവര് പ്രസംഗിച്ചു.