ചേമഞ്ചേരി: ചേമഞ്ചേരി കണ്ണങ്കടവിൽ കോൺക്രീറ്റ് വീട് പൊളിച്ചു മാറ്റുന്നതിനിടയിൽ അപകടം. രണ്ടു പേർക്ക് പരിക്കേറ്റു. വെങ്ങളം സ്വദേശിയായ ചീറങ്ങോട്ട് രമേശനും കാട്ടിൽപീടിക സ്വദേശിയായ കീഴാരി താഴെ വേലായുധനുമാണ് അപകടം പറ്റിയത്.ഒരാളുടെ നില ഗുരുതരമാണ്.

ഇന്നുച്ചയ്ക്ക് രണ്ടേമുക്കാലോടെയാണ് സംഭവം. പള്ളി പറമ്പിൽ ബിയ്യാത്തുവിന്റെ ഉടമസ്ഥതയിലുള്ള പഴയ കോൺക്രീറ്റ് വീട് പൊളിച്ചു മാറ്റുമ്പോൾ സ്ലാബ് ദേഹത്തു വീഴുകയായിരുന്നു.

ഉടനെ തന്നെ കൊയിലാണ്ടി അഗ്നിശമന സേന സംഭവ സ്ഥലത്തെത്തി, നാട്ടുകാരോടൊപ്പം രക്ഷാപ്രവർത്തനം ആരംഭിച്ചു. ജെ.സി.ബി യുടെ സഹായത്തോടെയാണ് സ്ലാബ് മാറ്റി ഇവരെ പുറത്തെടുത്തത്. ഉടനെ തന്നെ ആശുപത്രിയിലേക്ക് കൊണ്ടുപോവുകയായിരുന്നു.

ഇരുവരും മെഡിക്കൽ കോളേജ് ആശുപത്രിയിൽ ചികിത്സയിലാണ്. ഇതിൽ ഒരാളുടെ നില ഗുരുതരമാണെന്നും മറ്റേയാൾക്ക് സാരമായ പരിക്കുകളുണ്ടായിട്ടുണ്ടെന്നും അഗ്നിശമന ഉദ്യോഗസ്ഥൻ കൊയിലാണ്ടി ന്യൂസ് ഡോട്ട് കോമിനോട് പറഞ്ഞു.