കൊയിലാണ്ടി: ചേമഞ്ചേരിയിൽ സ്വാകര്യ ബസ് പിക്കപ്പ് വാനിലിടിച്ച് അപകടം. രണ്ട് പേർക്ക് പരിക്കേറ്റു. വാൻ ഡ്രൈവർ സഹദ് (35) ബസ് യാത്രക്കാരിയായ റഷീദ എന്നിവർക്കാണ് പരിക്കേറ്റത്. ഇന്ന് വൈകിട്ട് 4 മണിയോടെയാണ് അപകടം.

ബസ് കോഴിക്കോട് ഭാ​ഗത്തേക്കും വാൻ വടകര ഭാ​ഗത്തേക്കും പോവുകയായിരുന്നു. അമിതവേ​ഗതയിൽ ദേശീയപാതയിൽ സർവ്വീസ് റോഡിന് എതിർ ദിശയിലേക്ക് ഓടിച്ച് കയറിയ ബസ് പിക്കപ്പ് വാനിൽ ഇടിക്കുകയായിരുന്നു.  പരിക്കേറ്റവരെ കൊയിലാണ്ടി താലൂക്ക് ആശുപത്രിയിൽ പ്രവേശിപ്പിച്ചു. അപകടത്തെ തുടർന്ന് ദേശീയപാതയിൽ വൻ ഗതാഗതകുരുക്ക് അനുഭവപ്പെട്ടു.