കോഴിക്കോട്: കുന്ദമംഗലത്ത് ടി.വി.എസിന്റെ വാഹന ഷോറൂമിൽ തീപ്പിടിത്തം. ഏഴ് ഇരുചക്രവാഹനങ്ങളും ഓഫീസിനകത്ത് ഉണ്ടായിരുന്ന ഫർണിച്ചറുകളും കത്തിനശിച്ചു. ഉച്ചയ്ക്ക് ഒന്നരയോടെയായിരുന്നു സംഭവം.

ജീവനക്കാർ ഭക്ഷണം കഴിക്കുമ്പോഴാണ് ഷോറൂമിന് പിൻഭാഗത്തുനിന്ന് തീപടരുന്നത് ശ്രദ്ധയിൽപ്പെട്ടത്. വെള്ളിമാട് കുന്ന്, നരിക്കുനി യൂണിറ്റുകളിൽ നിന്ന് അ​ഗ്നിരക്ഷാസേനാസംഘങ്ങൾ എത്തിയാണ് തീയണച്ചത്. ഷോർട്ട് സർക്യൂട്ട് ആണ് തീപ്പിടിത്തത്തിന് കാരണമായതെന്നാണ് പ്രാഥമിക നിഗമനം. അപകടത്തിൽ ആർക്കും പരിക്കില്ല.

Summary: Fire breaks out at TVS showroom in Kunnamangalam. Seven two-wheelers were gutted