കൊയിലാണ്ടി: നാട്ടിലെ പ്രതിഭകൾ ഒത്തുകൂടി, ആദരവർപ്പിച്ച് നഗരസഭ. നഗരസഭയിലെ എൽ.എസ്.എസ്, യു.എസ്.എസ് വിജയികളെയും എസ്.എസ്.എൽ.സി, പ്ലസ് ടു ക്ലാസ്സുകളിൽ മുഴുവൻ വിഷയങ്ങൾക്കും എ പ്ലസ് കരസ്ഥമാക്കിയവരെയും മററു മേഖലകളിൽ കഴിവു തെളിയിച്ചവരെയുമാണ് പ്രതിഭാ സംഗമത്തിൽ ആദരിച്ചത്.

കൊയിലാണ്ടി ടൗൺഹാളിൽ നടന്ന ചടങ്ങ് എം.എൽ.എ കനത്തിൽ ജമീല ഉദ്ഘാടനം ചെയ്തു. നഗരസഭാ ചെയർ പേഴ്സൺ സുധ കിഴക്കെപ്പാടിന്റെ അധ്യക്ഷത വഹിച്ചു. എം.എൽ.എ പ്രതിഭകൾക്ക് ഉപഹാരവിതരണം നടത്തി.

നഗരസഭാ വൈസ് ചെയർമാൻ അഡ്വ. കെ.സത്യൻ, സ്റ്റാൻഡിംഗ് കമ്മിറ്റി ചെയർമാൻമാരായ ഇന്ദിര, ഇ.കെ.അജിത്ത്,പ്രജില സി, കൗൺസിലർമാരായ രത്നവല്ലി,വി.പി.ഇബ്രാഹിം കുട്ടി, കെ കെ. വൈശാഖ്, നഗരസഭാ സെക്രട്ടറി ശ്രീ സുരേഷ് കുമാർ എന്നിവർ ആശംസകൾ നേർന്നു.

വിദ്യാഭ്യാസസ്റ്റാൻഡിംഗ് കമ്മറ്റി ചെയർ പേഴ്സൺ നിജില പറവക്കൊടി സ്വാഗതവും ഷൈനി നന്ദിയും പറഞ്ഞു.