വടകര: ദേശീയ അന്തർദേശീയ പുരസ്‌കാരങ്ങൾ നേടിയ രണ്ട് മലയാള ചലച്ചിത്രങ്ങൾ വടകരയിൽ പ്ര​ദർശിപ്പിക്കുന്നു. ആർട്ട് ഹൗസ് ഫിലിം സൊസൈറ്റിയാണ് പ്രദർശനം സംഘടിപ്പിക്കുന്നത്. സന്തോഷ് ബാബു സേനനും സതീഷ് ബാബുസേനനും ചേർന്ന് സംവിധാനം ചെയ്ത ‘ആനന്ദ് മൊണാലിസ മരണവും കാത്ത്’, പ്രിയനന്ദനൻ സംവിധാനം ചെയ്ത ‘ധബാരി ക്യുരുവി’ എന്നീ സിനിമകളാണ് പ്രദർശിപ്പിക്കുന്നത്.

ഇന്നും നാളെയുമായി വടകര മുനിസിപ്പൽ പാർക്ക് ഓഡിറ്റോറിയത്തിലാണ് പ്രദർശനം നടക്കുക. വൈകീട്ട് 5 മണിക്ക് പ്രദർശനം ആരംഭിക്കും.