ആടാം, പാടാം, ഉല്ലസിക്കാം… കോംപ്‌കോസിന്റെ കൊയിലാണ്ടി ഫെസ്റ്റ് വരുന്നു, ഡിസംബര്‍ 20ന് തുടങ്ങും
കൊയിലാണ്ടി: കൊയിലാണ്ടിയിലെ സഹകരണ സ്ഥാപനമായ കോംപ്‌കോസിന്റെ നേതൃത്വത്തില്‍ കൊയിലാണ്ടി ഫെസ്റ്റ് സംഘടിപ്പിക്കുന്നു. 2024 ഡിസംബര്‍ 20മുതല്‍ ജനുവരി അഞ്ച് വരെയാണ് കൊയിലാണ്ടി ഫെസ്റ്റ് എന്ന പേരില്‍ വിനോദ വിജ്ഞാന കാര്‍ഷിക എക്‌സ്ബിഷന്‍ സംഘടിപ്പിക്കുന്നത്.
കൊയിലാണ്ടി ഫ്‌ളൈ ഓവറിന് കിഴക്കുവശം മുത്താമ്പി റോഡിലെ പഴയ ടോള്‍ബൂത്തിന് സമീപമുള്ള സ്ഥലത്താണ് ഫെസ്റ്റ് ഒരുക്കുന്നത്. ടിക്കറ്റ് നല്‍കിയായിരിക്കും പ്രവേശനം. കാര്‍ണിവെല്‍, വിവിധ തരത്തിലുള്ള പവലിയനുകള്‍, ഫുഡ് കോര്‍ട്ട്, സ്‌റ്റേജ് പരിപാടികള്‍ എന്നിവ ഫെസ്റ്റിന്റെ ഭാഗമായി ഉണ്ടാവും.