സംസ്ഥാന കലോത്സവത്തിലേക്ക് മുട്ടിക്കയറി തിരുവങ്ങൂരിന്റെ ചുണക്കുട്ടികള്‍; ഹൈസ്‌കൂള്‍ വിഭാഗം ദഫ്മുട്ടില്‍ മിന്നും വിജയവുമായി തിരുവങ്ങൂര്‍ ഹയര്‍സെക്കണ്ടറി സ്‌കൂള്‍
കോഴിക്കോട്: റവന്യൂ ജില്ലാ കലോത്സവത്തില്‍ ഹൈസ്‌കൂള്‍ വിഭാഗം ദഫ്മുട്ടില്‍ മിന്നും വിജയവുമായി തിരുവങ്ങൂര്‍ ഹയര്‍ സെക്കണ്ടറി സ്‌കൂള്‍. ഒന്നാം സ്ഥാനവും എഗ്രേഡും നേടി സംസ്ഥാന കലോത്സവത്തില്‍ മത്സരിക്കാന്‍ യോഗ്യത നേടിയിരിക്കുകയാണിവര്‍.
മുഹമ്മദ് ബിലാല്‍, മുഹമ്മദ് നാഫിദ്, ഖലീലുള്ള, മുഹമ്മദ് ഹാത്തിം, മുഹമ്മദ് നിഹാല്‍, മുഹമ്മദ് അംദാന്‍, ഷാന്‍ മാലിക്, മുഹമ്മദ് കെന്‍സ്, മുഹമ്മദ് അമാന്‍, മുഹമ്മദ് തഫീം എന്നിവരാണ് തിരുവങ്ങൂരിന്റെ ദഫ്മുട്ട് സംഘത്തിലുള്ളത്. കോയ കാപ്പാടിന്റെ വരികളാണ് ഇവര്‍ പാടിയത്. നജീബ് കാന്തപുരത്തിന് കീഴിലായിരുന്നു പരിശീലനം.