വ്യാപാരികള്‍ക്ക് ലേബര്‍ രജിസ്ട്രേഷന് എളുപ്പമായി; രജിസ്ട്രേഷന് ക്യാമ്പ് സംഘടിപ്പിച്ച് കൊയിലാണ്ടിയിലെ മര്‍ച്ചന്റ്‌സ് അസോസിയേഷന്‍
കൊയിലാണ്ടി: വ്യാപാരികള്‍ക്കായി ലേബര്‍ രജിസ്ട്രേഷന് നടത്താന്‍ കൊയിലാണ്ടിയില്‍ ക്യാമ്പ് സംഘടിപ്പിച്ചു. കേരള ഗവണ്‍മെന്റ് ലേബര്‍ ഡിപ്പാര്‍ട്ട്‌മെന്റ് കൊയിലാണ്ടി സര്‍ക്കിളും കൊയിലാണ്ടി മര്‍ചന്റ്‌സ് അസോസിയേഷനും സംയുക്ത ആഭിമുഖ്യത്തിലാണ് ലേബര്‍ രജിസ്ട്രേഷന് ക്യാമ്പ് സംഘടിപ്പിച്ചത്.
ലേബര്‍ രജിസ്ട്രേഷന് നടത്താന്‍ നിരവധി വ്യാപാരികള്‍ ക്യാമ്പ് സൗകര്യം ഉപയോഗപ്പെടുത്തി. ലേബര്‍ ഓഫീസ് സ്റ്റാഫ് ദൃശ്യ ക്യാമ്പ് നിയന്ത്രിച്ചു. കെ.എം.എ പ്രസിഡണ്ട് കെ.കെ.നിയാസ്, കെ.ഗോപാലകൃഷ്ണന്‍, പി.നൗഷാദ്, സുനില്‍ പ്രകാശ്, ബാബു സുകന്യ, പി.കെ.മനീഷ് (നാസര്‍ കിഡ്‌സ്), ബാബു ലോറ എന്നിവര്‍ പങ്കെടുത്തു.
